ഞായറാഴ്ച വിശേഷങ്ങള്‍

CCD തുടങ്ങിയ കാര്യം വിട്ടുപോയി. പാര്‍ക്കിംഗ് ലോട്ടില്‍ ചാള അടക്കിയ പോലെ വണ്ടികള്‍. പോലീസിനെ പേടിച്ചു 5 ബ്ലോക്ക്‌ ദൂരെ വണ്ടി പാര്‍ക്ക്‌ ചെയ്തു ഓടിക്കിതച്ച് പള്ളിയിലെത്തി. അപ്പോഴേക്കും കുര്‍ബാന തുടങ്ങിയിരുന്നു. എങ്കിലും ലോബ്ബിയിലെ TV യില്‍ അടിപൊളി ക്ലാസിക്കല്‍ ഡാന്‍സും വേറെ എന്തോ ഗോഷ്ടികളും അരങ്ങു തകര്‍ക്കുന്നുണ്ടായിരുന്നു. സുവിശേഷ വായന സമയത്ത് ഏതോ ഒരു വ്യക്തി വന്നു TV യുടെ പവര്‍ ഓഫ്‌ ചെയ്തു. കഴിഞ്ഞ ഞായറാഴ്ചത്തെ 11 മണിയുടെ കുര്‍ബാനയിലെ കാര്യമാണ് പറയുന്നത്.

ഫാ. റോയ് പ്രധാണ കാര്‍മ്മി. അദ്ദേഹത്തിന്റെ ഇടതുവശത്ത്‌ SJ ക്കാരന്‍ അച്ഛന്‍ . വലത്തു വശത്ത് തൃശ്ശൂര്‍ ക്കാരന്‍ . രണ്ടുപേരും പഠിക്കാനായി വന്നവരാണ് എന്നാണു പറയുന്നത്. അപ്പോഴാണ്‌ ഫാ. ജോണ് സ്റ്റീ യുടെ കാര്യം ഓര്‍ത്തത്‌. അദ്ദേഹവും പഠിക്കാനായി വന്നതാണ്. പക്ഷെ പഠിച്ചത് അങ്ങാടിയത്തില്‍ നിന്നും തുണ്ടത്തില്‍ നിന്നും ആണെന്ന് മാത്രം. ഏതായാലും അദ്ദേഹം വളരെ നല്ല ഒരു student ആയിരുന്നു. ക്ഷിപ്ര നേരം കൊണ്ടു ബിഷപ്പിന്റെ ഒരു useful idiot ആയി graduate ചെയ്തു. ഇപ്പോള്‍ communication വിട്ട് പള്ളി ഭരണമായി. columbus, oh യിലെ പാവം സീറോ മലബാറുകാരുടെ തലയിലേയ്ക്ക് അദ്ദേഹത്തെ വച്ചു കൊടുത്തു.

ഇപ്പോള്‍ ഈ രണ്ടച്ചന്മാരും പഠിക്കാന്‍ തന്നെയാണ് വന്നിരിക്കുന്നത്. പക്ഷെ വിഷയം എന്താണ് എന്നാണൊരു ചോദ്യം. തൃശ്ശൂര്‍ക്കാരന്‍ അച്ഛനാണെങ്കില്‍ കാറിന്റെ ഹെഡ് ലൈറ്റ് ന്റെ മുമ്പില്‍ പെട്ട മാന്‍ പേടയെപ്പോലെയാണ് ഇപ്പോള്‍. പുള്ളിക്കാരന്‍ അമേരിക്കന്‍ മലയാളീസിന്റെ തുടുത്ത മുഖവും അവരുടെ കുട്ടികളുടെ കൊഴുത്ത ശരീരവും കണ്ടിട്ട് ആകെ കിണ്ടുങ്ങിയിരിക്കയാണ്. അതൊക്കെ അങ്ങ് മാറും. ഇവരും ബിഷപ്പിന്റെ useful idiots ആകാനാണ് സാധ്യത. കാത്തിരുന്നു കാണാം.

തുണ്ടത്തിലിന്റെ മറ്റൊരു കല്പന. പള്ളി ലോബ്ബിയില്‍ എല്ലാവരും മിണ്ടടക്കം പാലിക്കണം. അവിടെ കറങ്ങി നിന്നു വാചകമടിച്ചുകൊണ്ട്‌ നില്‍ക്കാന്‍ പറ്റില്ല. ഇക്കണക്കിനു പോയാല്‍ അച്ഛന്‍ എല്ലാവരെയും ലോബ്ബിയില്‍ നിന്നും പുറത്താക്കും എന്നുറപ്പാണ്. (അനതിവിദൂര ഭാവിയില്‍ അദ്ദേഹം എല്ലാവരെയും പള്ളിയുടെ അകത്തുനിന്നു തന്നെ പുറത്താക്കാനുള്ള സാധ്യത ഞങ്ങള്‍ കാണുന്നുണ്ട്). പാര്‍ക്കിംഗ് ലോട്ടില്‍ നിന്നും വാചകമടിക്കാനുള്ള താല്‍ക്കാലിക അനുവാദം അദ്ദേഹം തന്നിട്ടുണ്ട്. സന്തോഷം! നമ്മുടെ ആളുകളുടെ, പ്രത്യേകിച്ച് പാര്‍ക്കിംഗ് ലോട്ടില്‍ വച്ചു അപകടമുണ്ടാക്കിയ പാരിഷ് കൌണ്‍സില്‍ മെമ്പര്‍മാര്‍ പോലെയുള്ളവരുടെ ഡ്രൈവിംഗ് സ്കില്‍ കണക്കിലെടുത്താല്‍ പാര്‍ക്കിംഗ് ലോട്ടില്‍ വട്ടം കൂടി നില്‍ക്കുന്നത് ആരോഗ്യത്തിന് നല്ലതായിരിക്കുമെന്ന് തോന്നുന്നില്ല.

ബഹുഭൂരിപക്ഷം മാതാപിതാക്കളും തങ്ങളുടെ കുഞ്ഞുങ്ങളോടൊപ്പം മലയാളം കുര്‍ബാനയില്‍ പങ്കെടുക്കത്തക്കവിധം അവരുടെ CCD ക്ലാസ്സുകള്‍ തിരഞ്ഞെടുത്തതില്‍ വികാരിയച്ചന് നല്ല വൈക്ലബ്ബ്യമുണ്ട്. അച്ഛനത് ഒട്ടും ദഹിച്ചിട്ടില്ല. അനൌണ്‍സ്മെന്റ് ല്‍ അത് ശരിക്കും പ്രതിഫലിച്ചിരുന്നു. "കുഞ്ഞുങ്ങള്‍ മാതാപിതാക്കളോടൊപ്പം കുര്‍ബാന കാണുകയാണെങ്കില്‍ അവര്‍ സജീവമായി പങ്കു കൊള്ളുന്നുണ്ടെന്ന് ഉറപ്പു വരുത്തുക," അദ്ദേഹം ഒരു രസമില്ലാത്ത രീതിയില്‍ മുന്നറിയിപ്പ് നല്കി. മംഗ്ലീഷ് കുര്‍ബാനയ്ക്ക് പല യൂത്തുകളും യൂത്തികളും ബേസ്മെന്റിന്റെ മൂലയിലും അല്‍ഫോന്‍സ ഹാളിലും മറ്റു വിചന സ്ഥലങ്ങളിലും ഒരുമിച്ചുകൂടി സൊള്ളി വി. കുര്‍ബാനയില്‍ "സജീവമായി" പങ്കു കൊള്ളുന്നത്‌ ഈ ലേഖകന്‍ പലപ്പോഴും ശ്രദ്ധിച്ചിട്ടുണ്ട്.

അടുത്ത അനൌണ്‍സ്മെന്റ് മി. വീരപ്പന്റെ അത്ഭുത ശിശുവിന്റെ ജനനം. immaaculate conception എന്ന് കത്തോലിക്കര്‍ പറയും. വി. യൌസേപ്പിതാവിനെപ്പോലെ മി. വീരപ്പനും അത്ഭുതപ്പെടുന്നുണ്ടാകും : "ഇതെങ്ങനെ സംഭവിച്ചു. ഞാനെന്റെ ഭാര്യയെ "അറിഞ്ഞിട്ടില്ലല്ലോ". ഏതായാലും ഈ അത്ഭുത ശിശുവിന്റെ ജന്മത്തില്‍ നമുക്കെല്ലാവര്‍ക്കും ആഹ്ലാദിക്കാം.