കൊപ്പേല്‍ പൊട്ടിത്തെറിയുടെ വക്കത്ത്

കോപ്പെലില്‍ സിറ്റുവേഷന്‍ അത്യന്തം സ്ഫോടനാന്മകം. തങ്ങളുടെ വികാരി ഫാ. സജി ചക്കിട്ട മുറിയിലിനെ ചിക്കാഗോ ബിഷപ്പ് അന്ന്യായമായി പുറത്താക്കുന്നതിനെ ചൊല്ലി ഇടവകാംഗങ്ങളും രൂപതാധികാരികളും തമ്മിലുള്ള ശീതസമരം ഒരു നിര്‍ണ്ണായക ഘട്ടത്തില്‍ എത്തിയിരിക്കുകയാണ്. തങ്ങള്‍ പുതുതായി വാങ്ങിയ ദേവാലയത്തില്‍ പൊതുജനതാല്‍പര്യങ്ങളെ തൃണവല്‍ക്കരിച്ച് ക്ലാവര്‍ കുരിശും അള്‍ത്താര വിരിയും തൂക്കാനുള്ള ബിഷപ്പിന്റെ കടുംപിടുത്തമാണ് ഇപ്പോള്‍ മാതൃകാ പുരുഷനായ ഒരു വൈദീകന്റെ പുറത്താക്കലില്‍ വന്നു കലാശിച്ചിരിക്കുന്നത്.

ബിഷപ്പിന്റെ അധികാര ദുര്‍വിനിയോഗത്തിനെതിരെ ചെറുത്തു നില്‍ക്കുവാന്‍ ഇടവകാംഗങ്ങള്‍ ഫാ. സജിയെ ഉപദേശിക്കുന്നുണ്ട്. എന്നാല്‍ അദ്ദേഹം അത് കൈക്കൊള്ളാതെ നാട്ടിലേക്കു തിരിച്ച് പോകാന്‍ തീരുമാനിച്ചു കഴിഞ്ഞു. എങ്കിലും പൊതുജങ്ങള്‍ പൊരുതി തോക്കാന്‍ തന്നെയാണ് തയ്യാര്‍ എടുത്തിരിക്കുന്നത്. സ്വേച്ഛാധിപതികള്‍ക്ക് തങ്ങളുടെ മൃഗീയമായ അധികാരമുപയോഗിച്ച് ഏത് ജനത്തെയും അടിച്ചമര്‍ത്താം എന്നവര്‍ മനസ്സിലാക്കുന്നു. എന്നാല്‍ തങ്ങളുടെ മനസ്സുകളെയും ഹൃദയങ്ങളെയും കീഴടക്കാന്‍ അങ്ങാടിയത്തിന് കഴിയില്ലെന്ന് അവര്‍ ആണയിട്ട് പറയുന്നു. അതുകൊണ്ട് തന്നെയാണ് അറവു ശാലയിലേക്ക് ഇടയന്‍ നയിക്കുന്ന കുഞ്ഞാടുകളെപ്പോലെ നിശ്ശബ്ദരായി കീഴടങ്ങാന്‍ അവര്‍ തയ്യാറാകാത്തത്.

അമേരിക്കന്‍ സീറോ മലബാര്‍ സഭ നാളിതുവരെ കണ്ടിട്ടില്ലാത്ത സംഭവവികാസങ്ങളാണ് ഇനിയുള്ള നാളുകളില്‍ കോപ്പെലില്‍ നടക്കാന്‍ പോകുന്നതെന്ന് ഞങ്ങള്‍ക്ക് പറയാന്‍ കഴിയും. തങ്ങളുടെ മൌലീകാവകാശങ്ങള്‍ക്ക് വേണ്ടിയുള്ള നീതിപൂര്‍വമായ പോരാട്ടത്തെ രൂപതാ നേതൃത്വവും അവരുടെ ഡാപ്പര്‍പണി ചെയ്യുന്ന ചില വ്യക്തികളും സഭാവിരുദ്ധ പ്രവര്‍ത്തനങ്ങളായി ചിത്രീകരി ക്കുമെന്ന് അവര്‍ക്കറിയാം. എങ്കിലും നിര്‍ഭയം സ്വന്തം വിശ്വാസത്തിനും ആദര്‍ശങ്ങള്‍ക്കും വേണ്ടി പൊരുതി മാതൃക കാട്ടാനാണ് അവര്‍ തീരുമാനിച്ചിരിക്കുന്നത്.

ഇതിനിടക്ക്‌ മറ്റൊരു ശ്രുതിയും കേള്‍ക്കുന്നുണ്ട്. ഏപ്രില്‍ 15 വരെ നോക്കി നില്‍ക്കാതെ ഏപ്രില്‍ 8 ന് തന്നെ appointment letter ഉമായി പുതിയൊരു വികാരി കോപ്പെലില്‍ തല പൊക്കുമേന്നാണ് സൂചന. സ്വന്തം നാട്ടില്‍ നിന്നുതന്നെ ഇറക്കുമതി ചെയ്ത ഒരു കല്ദായാ പിശാശിനെ അരമന നരകത്തില്‍ അങ്ങാടിയത്ത് പാത്തു വച്ചിട്ടുണ്ട്. അയാളെ കൊപ്പെലിലേക്ക് വിടാന്‍ സാധ്യതയുണ്ട്. തല്‍ക്കാലത്തേക്ക് ഫാ. ജോജിയെ വിടാന്‍ പ്ലാനുണ്ടെന്നും കേള്‍ക്കുന്നു. ഏതായാലും പുതുതായി ചെല്ലുന്ന ഭാഗ്യദോഷിക്കു കൊപ്പെലുകാര്‍ കൊടുക്കുന്ന സ്വീകരണം കാണ്ടത് തന്നെയാണ് എന്ന് പറയേണ്ടിയിരിക്കുന്നു.

എന്തൊക്കെയായാലും ഫാ. സജി എല്ലാം ദൈവനിയോഗമായി കണക്കാക്കി കേരളത്തിലേയ്ക്ക് തിരിച്ച് പോകുവാന്‍ തന്നെ തീരുമാനിച്ചു കഴിഞ്ഞു. എന്നാല്‍ അവിടെയും അദ്ദേഹത്തെ നാറ്റിച്ചു നശിപ്പിക്കാനുള്ള പൈശാചിക തന്ത്രങ്ങളാണ് റോയി കടുപ്പന്‍ മെനഞ്ഞു കൊണ്ടിരിക്കുന്നത്. ഫാ. സജി മുക്കം ഇടവകക്കാരനാണ്. കടുപ്പന്റെ ബന്ധുക്കള്‍ പലരും അതെ ഇടവകയില്‍ താമസക്കാരാണ്. പള്ളിക്കണക്കില്‍ തിരിമറി നടത്തി പൈസ പിടുങ്ങിയതുകൊണ്ടാണ് ഫാ. സജിയെ നാട്ടിലേക്ക് തിരിച്ചയക്കുന്നത് എന്ന കള്ളക്കഥയാണ് കള്ളന്‍ കടുപ്പന്‍ തന്റെ ബന്ധുക്കള്‍ വഴി അവിടെ പ്രചരിപ്പിക്കുന്നത്. എന്നാല്‍ സത്യം നേരെ മറിച്ചാണ്. പള്ളിക്കായി അച്ഛന്‍ തന്റെ അവസാനത്തെ ചില്ലിക്കാശുപോലും ചിലവാക്കി. പലര്‍ക്കായി അദ്ദേഹത്തിന് 4000 ഡോളറോളം കടവുമുണ്ട്. നാട്ടിലേയ്ക്ക് one way ticket വാങ്ങാന്‍ പോലും അദ്ദേഹം നന്നേ ബുദ്ധിമുട്ടുന്നതായി അദേഹത്തെ അടുത്തറിയാവുന്നവര്‍ക്കറിയാം.

ഈ കടുപ്പനും മെത്രാനും എന്ത് ശിക്ഷയാണ് ദൈവം തമ്പുരാന്‍ കൊടുക്കാന്‍ പോകുന്നത് എന്നോര്‍ക്കുമ്പോള്‍ ഭയമാകുന്നു. രണ്ടായിരം കൊല്ലങ്ങളായി പുരോഹിതവര്‍ഗം യേശുവിനെ ദിവസേന ക്രൂശിച്ചു കൊണ്ടിരിക്കുന്നു. കത്തോലിക്ക പുരോഹിതര്‍ കാട്ടിക്കൂട്ടി, ഉന്നത സഭാധികാരികള്‍ രഹസ്യമായി അടക്കിവച്ചിരുന്ന ലൈംഗീക പീഡനക്കേസ്സുകള്‍ തന്നെ ഇതിനൊരുദാഹരണമാണ്‌. ആഗോള കത്തോലിക്ക സഭ ഇങ്ങനെയുള്ള നിര്‍ണ്ണായകമായ ഒരു അപകടഘട്ടത്തില്‍ കൂടി കടന്നുപോകുമ്പോള്‍ കുരിശിനെ ചൊല്ലി നമ്മുടെ മെത്രാനും കൂട്ടരും ഒരു പുരോഹിതനെ ക്രൂശിക്കുകയാണ്. ഒരു ജനത്തെ ക്രൂശിക്കുകയാണ്. ഇവരെ ഇന്ന് കോപ്പെലില്‍ കുരിശില്‍ തറച്ചു രക്തദാഹം തീര്‍ക്കുന്ന ആധുനീക പുരോഹിത വര്‍ഗത്തില്‍ പെട്ട അങ്ങാടിയത്തും കൂട്ടരും തങ്ങളുടെ ജനവഞ്ചനക്ക് പരിഹാരമായി ക്രിസ്തുവിനെ ഒറ്റിയ യൂദാസിന്റെ വഴി തിരഞ്ഞെടുത്തില്ലെങ്കിലെ അത്ഭുതമുള്ളൂ.