Smile! You are on Candid Camera! കൂടാതെ ജോജിയച്ചന്റെ ഒരു പുതിയ നമ്പര്‍

സാധാരണ ഏതെങ്കിലും കത്തോലിക്ക പള്ളിയില് surveillance ക്യാമറ വച്ചു നിങ്ങള്‍ കണ്ടിട്ടുണ്ടോ? ഞാനുമില്ല. ചിക്കാഗോ സീറോ മലബാര്‍ കത്തീദ്രല്‍ ഒഴിച്ച്.

ഇപ്പോള്‍ ദാ, കൊപ്പേല്‍ പള്ളിയിലും ക്യാമറ വരാന്‍ പോകുന്നെന്നു കേട്ടു. ഒരു ദേവാലയത്തില്‍ വീഡിയോ ക്യാമറ വെക്കേണ്ട കാര്യമെന്തെന്ന് മനസ്സിലാകുന്നില്ല. ക്ലാവര്‍ കുരിശ് തൂക്കുമ്പോള്‍ കര്ത്താവീശോമിശിഹാ ചാടി രക്ഷ പെട്ടു പോകുന്നില്ല എന്നുറപ്പ് വരുത്താനാണോ? ആലോചിച്ചിട്ട് ഒരു പിടിയും കിട്ടുന്നില്ല.

നമ്മുടെ ചേനത്തലയന്‍ തോമ ഈയിടെ ചിക്കാഗോ സന്ദര്‍ശിച്ചപ്പോള്‍ നങ്ങളുടെ ക്യാമറ കണ്ടു. ആള്‍ക്ക് വളരെ ഇഷ്ടപ്പെട്ടു. അള്‍ത്താര പണിയും മുമ്പ് ക്യാമറ തൂക്കിയിട്ടെ കാര്യമുള്ളൂ എന്ന് ബിഷപ്പിന്റടുത്തു ശപഥം ചെയ്താണ് ഈ ശ്രീമാന്‍ അങ്ങോട്ട്‌ പോന്നത്.

ഉള്ളത് പറയണമല്ലോ. ക്യാമറ തൂക്കിയത്‌ കൊണ്ട്‌ ചിലര്‍ക്കൊക്കെ വളരെ മെച്ചങ്ങളുണ്ട്. ഇത് പണ്ടത്തെ തരം ചക്കട ക്യാമറയൊന്നുമല്ല. നല്ല HD ഡിജിറ്റല്‍ ആറ്റന്‍ സാധനമാണ്. കൂടാതെ ജോയ് സ്റ്റിക്കുമുണ്ട്. ഏത് ദിശയിലും തിരിക്കുകയും വളക്കുകയും ഒക്കെ ചെയ്യാം. താഴേന്നും മോളീനും. പിന്നെ ക്ലോസ്സപ്പും. ക്ലോസ്സപ്പെന്നു പറഞ്ഞാല്‍ രോമം ഓരോന്നായി എണ്ണി എണ്ണി എടുക്കാം . നമ്മുടെ പെണ്ണുങ്ങളുടെ തലയ്ക്കു മുകളില്‍ നിന്നും നെട്ടനെ താഴോട്ടു ക്യാമറ തുറിച്ചു നോക്കൊമ്പോള്‍ കാണുന്ന ആ കാഴ്ച. കര്‍ത്താവേ, ഈ പാപിയോടു ക്ഷമിക്കണേ! ഒരു നിമിഷത്തേക്ക് മനസ് പതറിപ്പോയി!

പിന്നെ ക്യാമറ സപ്പോര്‍ട്ട് ചെയ്യുന്ന ചില നേതാക്കന്മാര് നമ്മുടെ ഇടയിലുണ്ട്. കാരണം അവര്‍ക്കിതൊക്കെ ഒരു രസമാ. വി. കുര്‍ബാന സ്വീകരിക്കാന്‍ നമ്മുടെ കാണാന്‍ കൊള്ളാവുന്ന പെണ്ണുങ്ങള്‍ അന്ന നടയായി കുണുങ്ങി ക്കുണുങ്ങി നടന്നു പോകുമ്പോള്‍ അങ്ങ് ദൂരെ മുറി പൂട്ടിയിരുന്നു അത് ക്ലോസ്സപ്പില്‍ കണ്ടാസ്വതിക്കാന്‍ ഇതില്‍പ്പരം ഒരു ചാന്‍സ് എവിടെ കിട്ടും. ചില അച്ചന്മാരും ഇക്കാര്യത്തില്‍ മോശമല്ല.

പിന്നെ ഈ ക്യാമറ സപ്പോര്‍ട്ട് ചെയ്യുന്ന ശുംഭന്മാര്‍ക്ക് ഇതൊന്നും ഒരു പ്രശ്നമല്ല. അവരുടെ പെണ്ണുംപിള്ളമാരുടെ കുണ്ടി കരക്കാരു കണ്ടു ആസ്വതിക്കുന്നത് കണ്ടു ആത്മ നിര്‍വൃതിയടയുന്നവരാണ് അവര്‍.

നമ്മുടെ കൊച്ചു കേരളത്തില്‍ ഇപ്പോള്‍ ദമ്പതിമാര്‍ക്ക് പോലും വിശ്വസിച്ച്‌ ഒരു ഹോട്ടലില്‍ പോലും കിടക്കാന്‍ വയ്യ. ക്യാമറ ഒളിച്ചു വച്ചിരിക്കയാണ്, മുറികളില്‍. പിറ്റേദിവസം ഇന്റര്‍നെറ്റില്‍ വരും. ഇപ്പൊ നമ്മുടെ പള്ളികളില്‍ വി. കുര്‍ബാന സ്വീകരിക്കാന്‍ വാ തുറക്കാന്‍ പേടിക്കണം. ആരൊക്കെ ലോകത്തിന്റെ ഏതൊക്കെ മൂലയിലിരുന്നു കണ്ടാസ്വതിച്ചു വേണ്ടാത്ത പാപം ചെയ്യുന്നുണ്ടെന്ന് ആരറിഞ്ഞു.

ഇപ്പോള്‍ 25 ഡോളര്‍ കൊടുത്താല്‍ മൊട്ടു സൂചിയുടെ വലുപ്പമുള്ള ക്യാമറ വരെ കിട്ടും. നമ്മുടെ ഇടയില്‍ ഞരമ്പ് രോഗികള്‍ക്ക് പഞ്ഞമില്ല. അവരിലാരെങ്കിലും അതൊരെണ്ണം ലേഡീസ് റൂമില്‍ ഒളിപ്പിച്ചു വയ്ക്കില്ലെന്ന് ആര്‍ക്കെങ്കിലും ഉറപ്പുണ്ടോ.

ഈ ഇന്റര്‍നെറ്റും വീഡിയോ ക്യാമറയും വെടിമരുന്നും തീപ്പൊരിയും പോലെയാ. എന്നെങ്കിലും അത് കേറിപ്പിടിച്ചു പൊട്ടിത്തെറിക്കും. പറഞ്ഞില്ലെന്നു വേണ്ട. സംശയമുള്ളവര് നമ്മുടെ ചില ചിക്കാഗോ സഹോദരിമാരെ വിളിച്ച് ചോദിച്ചു ഉറപ്പുവരുത്തുക. എന്നിട്ട് മതി ക്യാമറയില്‍ നോക്കി കൊളിനോസടിക്കാന്‍ .

പുതിയ ഒരു നമ്പരുമായി ജോജിയച്ചന്‍

ഈ അടുത്ത രണ്ട്‌ മൂന്ന് ദിവസങ്ങളിലായി നമ്മുടെ ജോജിയച്ചന്‍ ഫ്രിസ്കോ വാര്‍ഡ്‌ കളില്‍ താമസിക്കുന്ന സീറോ മലബാര്‍ കുടുംബങ്ങളെ സന്ദര്‍ശിക്കാന്‍ ഇറങ്ങുകയാണത്രെ. കാള വാല് പൊക്കുമ്പോള്‍ തന്നെ ഉദ്ദേശം വ്യക്തമല്ലേ.

ഫ്രിസ്കോ കുടുംബങ്ങളെ എല്ലാം ഗാര്‍ലാണ്ടിലെ കുടിയാന്മാരായിട്ടാണ് ഇതുവരെ അദ്ദേഹം  കണക്കാക്കിയിരുന്നത്. ജനങ്ങള്‍ ഒന്നടങ്കം കൊപ്പെലിലേക്ക് വലിക്കുന്നു. ജോജിയും ശിങ്കിടിമാരും ഗാര്‍ലാണ്ടിലെക്കും. ഇപ്പോള്‍ സംഗതി പിടി വിടുന്നു എന്ന് ആശാന് മനസ്സിലായി. ഇനിയിപ്പോള്‍ നല്ല പിള്ള ചമയുക തന്നെ. അതുകൊണ്ട് അദ്ദേഹം പ്രസ്തുത സ്ഥലത്തെ കുടുംബങ്ങളെ എല്ലാം സന്ദര്‍ശിക്കുന്നു. ഫ്രീ ചായക്കുശേഷം കൊപ്പേല്‍ പള്ളിയില്‍ ചേരാന്‍ താല്‍പ്പര്യമുള്ളവരെ അദ്ദേഹം അനുഗ്രഹിച്ചു യാത്രയാക്കുന്നു.

കുതിര ഏതായാലും ഓടാന്‍ തീരുമാനിച്ചു. ഇനി പിടിച്ചാല്‍ കിട്ടില്ല. എന്നാല്‍ എങ്ങനെയെങ്കിലും പുറത്തു ചാടി കയറുക തന്നെ.

ജോജിയച്ചന്‍ ആളൊരു കുറുക്കനാനെന്നു എന്റെ പ്രിയതമ ഇത്തമ്മ എപ്പോഴും പറയും. ഇക്കാര്യത്തില്‍ എന്താണോ അവള്‍ കറക്റ്റ്!