കോപ്പെലില്‍ വിരിഞ്ഞത് സമാധാനത്തിന്‍റെ പുത്തന്‍ പുലരി

കോപ്പെലില്‍ ഇന്ന് വിരിഞ്ഞത് ഒരു പുതു പുത്തന്‍ പുലരി. സമാധാനത്തിന്റെയും സന്തോഷത്തിന്‍റെയും, ആത്മനിര്‍വൃതിയുടെയും.


ക്രൂശിതരൂപം മാത്രം പ്രതിഷ്ടിച്ചിട്ടുള്ള കോപ്പേല്‍ മിഷന്‍ പള്ളിയെ  ഇടവകയായി ഉയര്‍ത്തി, ഡി. 19 ഞായറാഴ്ച ചിക്കാഗോ സീറോ മലബാര്‍ രൂപതാ മെത്രാന്‍ കൂദാശ ചെയ്യും എന്ന സദ്‌വാര്‍ത്ത  കോപ്പേല്‍ വിശ്വാസികളെ കുറച്ചൊന്നുമല്ല സമാശ്വാസിപ്പിച്ചത്.  ബിഷപ്പു നിയമിച്ച അന്ന്വേഷണകമ്മീഷന്‍റെ ശിപാര്‍ശയനുസരിച്ച് ബിഷപ്‌ മാര്‍ അങ്ങാടിയത്ത് എടുത്ത ധീരമായ ഈ തീരുമാനത്തിന് ആഗോള തലത്തിലുള്ള ജനസമ്മിതിയാണ് ലഭിച്ചു കൊണ്ടിരിക്കുന്നത്. ഇടയഗണത്തിന്‍റെ  താല്‍പ്പര്യങ്ങള്‍ക്കു മുന്‍‌തൂക്കം കൊടുത്തു സ്വന്ത ഇഷ്ടത്തിനെ ബലികഴിച്ച മാര്‍ അങ്ങാടിയത്തിന്റെ നടപടികള്‍ അത്യധികം മാതൃകാപരമാണെന്ന് സീറോ മലബാര്‍ സഭയുടെ നേതൃനിരയിലുള്ള ഒരു ബിഷപ്പ്‌ (ഞങ്ങള്‍ വോയ്സിന്റെ ആള്‍ക്കാര്‍ ആണെന്ന സത്യം മനസ്സിലാക്കാതെ) ഞങ്ങളോട് പറഞ്ഞു. മാര്‍ തോമ കുരിശ് അനുകൂലികളും പ്രതികൂലികളുമായ കേരളത്തിലെ  പല വൈദികപ്രമുഖരുടെയും അഭിപ്രായവും ഇത് തന്നെയാണ്.

കാര്യങ്ങള്‍ എല്ലാം ഇങ്ങനെ  ശുഭകരമായി നീങ്ങുന്നുണ്ടെങ്കിലും ജന്മദോഷം കൊണ്ടു കൊനിഷ്റ്റ് ബുദ്ധികളായ ചില സഭാ-സമുദായ ദ്രോഹികള്‍ അവരുടെ കുലത്തൊഴില്‍ ഇവിടെയും അഭ്യസിക്കുവാന്‍ ശ്രമിക്കുന്നതായി ഞങ്ങള്‍ക്കറിവ് കിട്ടിയിട്ടുണ്ട്. സ്വന്തം പെണ്‍പിള്ളമാരെക്കൊണ്ട്‌ അതുമിതും കെട്ടുകഥകള്‍ വര്‍ഗീസച്ചനെ  പറഞ്ഞു ധരിപ്പിച്ചു പള്ളിക്കുദാശ ഫെബ്രുവരിയിലേക്ക് മാറ്റിക്കാനാണ് അവര്‍ ശ്രമിക്കുന്നത്. തന്‍റെ തിരക്ക് പിടിച്ച schedule ന് ഇടയ്ക്ക് ബിഷപ്പിന് ഒഴിവായി കിട്ടിയ ഒരു ഡേറ്റ് ആണ് ഡി. 19 . മേല്‍പ്പറഞ്ഞ കൊനിഷ്ടു ബുദ്ധികള്‍ എന്താ ബിഷപ്പിനെക്കാളും വലിയവരോ? എന്തു കെണിയില്‍ അദ്ദേഹത്തെ കൊണ്ടു ചാടിക്കാനാണ് ഇതുപോലുള്ള വേലത്തരങ്ങള്‍ പറഞ്ഞ്കൊണ്ട് അവര്‍ വരുന്നത് എന്ന് മനസ്സിലാകുന്നില്ല.

കോപ്പെലിലെ സിറ്റുവേഷന്‍ ശാന്തമാകുന്നതില്‍ അവിടുത്തെ ബഹുഭൂരി പക്ഷം ജനങ്ങളും അത്യന്തം സന്തുഷ്ടരാണ്. കുരിശ് വിവാദത്തെ ചൊല്ലിയുള്ള അഭിപ്രായ വ്യത്യാസങ്ങള്‍ മാറ്റിവച്ച് പള്ളി കുദാശ ചടങ്ങ് ഗംഭീരമാക്കുവാനാണ് ഒറ്റക്കെട്ടായി അവര്‍ ശ്രമിക്കുന്നത്. കോപ്പെലിലെ ജനങ്ങള്‍ അവരുടെ ഇടയനു കൊടുക്കുന്ന സ്വാഗതം അവിസ്മരണീയ മായിരിക്കുമെന്നു അവിടുത്തെ ചില വൃത്തങ്ങള്‍ ഞങ്ങളോട് പറഞ്ഞു. പഴയ കൈക്കാരന്‍ ഷിബു പലരെയും ഫോണില്‍ വിളിക്കുകയും, താന്‍ ബിഷപ്പിന്‍റെ താല്‍പ്പര്യങ്ങള്‍ അനുസരിച്ച് എന്നും നില കൊള്ളുന്നവനാനെന്നും, ഇക്കാര്യത്തിലും താന്‍ ബിഷപ്പിന്‍റെ തീരുമാനത്തെ മാനിക്കുന്നു എന്നും പ്രസ്താവിച്ചു. മാര്‍ത്തോമ കുരിശിനു വേണ്ടി ശക്തി പൂര്‍വ്വം  വാദിച്ച പഴയ കൈക്കാരന്‍ തോമസും, മുന്‍ കൈക്കാരന്‍ റെജിയും,  AV യും, പരസ്യമായി പ്രസ്താവനകള്‍ ഒന്നും നടത്തിയതായി ഞങ്ങളുടെ കേന്ദ്രങ്ങള്‍ അറിയിച്ചില്ല. എങ്കിലും അവരും തികഞ്ഞ സഭാ സ്നേഹികളായ വിശ്വാസികളാണെന്നും,  ആത്മാര്‍ഥമായ സഹകരണം മാത്രമേ അവരുടെ ഭാഗത്ത് നിന്നും ഉണ്ടാകുകയുള്ളൂ എന്നും അവരോടടുത്ത കേന്ദ്രങ്ങള്‍ ഞങ്ങളോട് പറഞ്ഞു. ഫണ്ട്‌ ശേഖരണം ഉഷാര്‍ ആക്കാനുള്ള നീക്കങ്ങളും  ജനങ്ങള്‍ ആരംഭിച്ചു കഴിഞ്ഞു. ഇക്കൊല്ലത്തെ പ്ലെഡ്ജ് തുക മുഴുവന്‍ തന്നെ വര്‍ഷാന്ത്യത്തിനു മുമ്പായി ശേഖരിച്ചു കഴിഞ്ഞിര്‍ക്കും എന്ന ആത്മ വിശ്വാസം അത്മായ നേതാക്കള്‍ക്കുണ്ട്.

കോപ്പേല്‍ പ്രശ്നം സമാധാനപരമായി പര്യവസാനിച്ചതില്‍ ബിഷപ്‌ നിയമിച്ച കമ്മീഷന് കിട്ടിയ അഭിനന്ദനങ്ങള്‍ കുറച്ചൊന്നുമല്ല. എന്നാല്‍ ഈ കമ്മീഷന്‍ കോപ്പെലില്‍ മാത്രം ഒതുങ്ങി നില്‍ക്കരുതെന്നും മറ്റെല്ലാ ഇടവകകളിലും മിഷനുകളിലും നിഷ്പക്ഷമായ ഒരു അന്ന്വേഷണം നടത്തി ബിഷപ്പിന് നേരായ, കലര്‍പ്പില്ലാത്ത,   recommendations കൊടുക്കണമെന്നും  പൊതുവേ അഭിപ്രായമുണ്ട്. സ്വാര്‍ത്ഥബുദ്ധികളായ കുട്ടിരാഷ്ട്രീയക്കാരുടെയും, സ്ഥാനമാനക്കൊതിയന്മാരുടെയും സ്വാധീനത്തില്‍ നിന്നും സഭാ നേതൃത്വത്തെ സ്വതന്ത്രമാക്കാന്‍ ആദര്‍ശധീരതയുള്ള ഒരു കമ്മീഷന്‍ ഇന്നത്തെ ഏറ്റവും വലിയ ആവശ്യമാണ്‌.