ഫാ ജേക്കബ് കട്ടക്കല്‍ നല്ല മാതൃക കാട്ടി വിരമിക്കുക - എഡിറ്റോറിയല്‍

സഭാ പണ്ഡിതന്‍ , ദൈവ ശാസ്ത്രഞ്ജന്‍ , ഗ്രന്ഥ കര്‍ത്താവ് , വിദ്യാ ദാതാവ്, മിഷനറി, പാസ്റ്റര്‍ -  ഇതെല്ലെല്ലാമും ഇതില്‍ കൂടുതലുമാണ്  ഫാ. കട്ടക്കല്‍..  8 പതിറ്റാണ്ടുകള്‍ സഭക്കും ദൈവത്തിനും വേണ്ടി യത്നിച്ച ഒരു മാതൃകാ പുരോഹിതനാണ്  അദ്ദേഹം. എങ്കിലും എല്ലാ നല്ല കാര്യങ്ങളെയും പോലെ ഇതും ഒരു ദിവസം അവസാനിക്കാതെ തരമില്ലല്ലോ. ആ ദിവസം ഇന്നിതാ സമാഗതമായിരിക്കുകയാണ്. അമേരിക്കന്‍ സീറോ മലബാര്‍ സഭാ നേതൃത്വത്തെയും, വിശ്വാസികളെയും ആശ്ചര്യപ്പെടുത്തി അദ്ദേഹം ഇന്ന് ഓറഞ്ച് കൌണ്ടി ദേവാലയത്തിലെ തന്‍റെ വികാരി സ്ഥാനത്തോട്  സന്തോഷത്തോടെ വിടപറയും എന്ന് ഞങ്ങള്‍ പ്രത്യാശിക്കുന്നു. 

കര്‍മ്മനിരതമായ ഒരു ജീവിതമായിരുന്നു ഫാ. കട്ടക്കളിന്റെത്‌.  വന്ദ്യവയോധികയാനിട്ടും ഒരു ചെറുപ്പക്കാരന്റെ ചുരുച്ചുരുക്കോടെ അദ്ദേഹം ഓറഞ്ച് കൌണ്ടി ദേവാലയത്തിന്റെ ചുക്കാന്‍ ഇത്രയും നാള്‍ പിടിച്ചു. അദ്ദേഹത്തിന്‍റെ നടപടികളെ സ്തുതിക്കുന്നവരും ശപിക്കുന്നവരും ഉണ്ടാകാം. എങ്കിലും അദ്ദേഹം ആജീവനാന്തം  ക്രൂശിത രൂപത്തിന്റെ സംരക്ഷകനും ക്ലാവര്‍ കുരിശിന്റെ ബാധ ശത്രുവും ആയിരുന്നു എന്നത് ആദ്ദേഹത്തെ ഞങ്ങള്‍ക്ക് പ്രിയങ്കരനാക്കുന്നു. അതിനാല്‍ തന്നെ ഞങ്ങള്‍ ഫാ കട്ടക്കലിനോട് സ്നേഹപൂര്‍വ്വം അഭ്യര്‍ഥിക്കുകയാണ്. സസമാധാനം സ്ഥാനമൊഴിഞ്ഞു മറ്റു സീറോ മലബാര്‍ വൈദികര്‍ക്കു ഒരു നല്ല മാതൃകയാകുവാന്‍ .

പുതിയ വികാരി ബിഷപ്പിന്‍റെ അയല്‍ നാട്ടുകാരനാണ്. ക്ലാവര്‍ കുരിശ് വിഷയത്തില്‍ അദ്ദേഹം ബിഷപ്പിന്‍റെ സമാന ചിന്തക്കാരനാകാനാണ് സാധ്യത. അതുകൊണ്ട് തന്നെ ഓറഞ്ച് കൌണ്ടി ഇടവകക്കാര്‍ ഇക്കാര്യത്തില്‍ ജാഗരൂഗരായിരിക്കണമെന്നു ഞങ്ങള്‍ അഭ്യര്‍ഥിക്കുകയാണ്. ക്രൂശിത രൂപത്തിന് പകരം അര്‍ത്ഥമില്ലാത്ത ക്ലാവര്‍ കുരിശ് പ്രതിഷ്ടിച്ചു വിശ്വാസികളെ വഴി തെറ്റിക്കാനുള്ള എല്ലാ പ്രവണതകളേയും ശക്തി യുക്തം നിങ്ങള്‍ ചെറുത്തു നില്‍ക്കുക. കോപ്പെലിലെ വിശ്വാസികളുടെ വിജയം നിങ്ങള്‍ക്ക് പ്രചോദനമാകട്ടെ എന്ന് ഞങ്ങള്‍ പ്രാര്‍ഥിക്കുക യാണ്.