നിരപരാധികളെ വെറുതെ വിടുക

സത്യത്തിനു വേണ്ടി പോരാടുന്നവന് തരം താഴ്ന്ന വഴി സ്വീകരിക്കേണ്ട ഗതികേടില്ല. 

ഞങ്ങള്‍ പോരാടുന്നത് സത്യത്തിനു വേണ്ടി മാത്രമാണ്. സത്യങ്ങള്‍ പച്ചയായും പേടിക്കാതെയും   ഞങ്ങള്‍  വിളിച്ച് പറയുകയും ചെയ്യും. ഞങ്ങളുടെ വാദമുഖങ്ങള്‍ തെളിയിക്കാന്‍ , അവ മനുഷ്യരെ ബോധ്യപ്പെടുത്താന്‍  , ഞങ്ങള്‍ക്ക് ഓവു ചാലിലെ രീതി അവലമ്പിക്കേണ്ട  ആവശ്യമില്ല.


നമ്മുടെ ബിഷപ്പിനെയും അദ്ദേഹത്തിന്‍റെ ചുറ്റാളന്‍ മാരെയും  ഉപജാപസംഘത്തെയും പറ്റി അങ്ങനെ പറയാന്‍ പറ്റില്ല. തങ്ങളുടെ വാദമുഖങ്ങള്‍ മനുഷ്യരുടെ മേല്‍ അടിച്ചേല്‍പ്പിക്കാന്‍ സെപ്ടിക് ടാങ്ക് വരെ താഴുവാന്‍ ഇവര്‍ തയ്യാറാണ്.

കോപ്പെലില്‍ നടക്കുന്ന സംഭവങ്ങള്‍ തന്നെ എടുക്കുക. ഒരു പുരോഹിതന്റെ ഫോണ്‍ അദ്ദേഹമറിയാതെ റെക്കോര്‍ഡ്‌ ചെയ്തു. എന്നിട്ട് അതു കേരളത്തിലെ പല മെത്രാന്മാരെയും കേള്‍പ്പിച്ചു. ആരാണ് ഇതിനു പിന്നില്‍? ഞങ്ങളോ നിങ്ങളോ അല്ല. അധികാരികള്‍. അല്ലെങ്കില്‍ അവരുടെ വക്ക വലിക്കുന്നവര്‍. എന്നിട്ടോ? ഇവര്‍ക്ക്  നട്ടെല്ലോ ആണത്തമോ ഉണ്ടോ? ഇല്ല. മേല്‍പ്പറഞ്ഞ ഫോണ്‍ സംഭാഷണം ചോര്‍ത്തിയതിന്റെ ഉത്തരവാദിത്ത്വം കോപ്പെലിലെ ഒരു നിരപരാധിയുടെ മേല്‍ ചുമത്താനുള്ള ഒരു ശ്രമത്തിന്റെ ഭാഗമായി അവര്‍ ഈ ബ്ലോഗില്‍ പല കമ്മെന്റുകളും പോസ്റ്റ് ചെയ്തു. കൊപ്പേല്‍ പള്ളിയില്‍ നിസ്വാര്‍ത്ഥ സേവനം ചെയ്യുന്ന ഒരു സഹോദരനില്‍ സംശയം ജനിപ്പിക്കുവാനുള്ള ഒരു വേലായായിരുന്നു അത്‌.

ഫാ. സജിയുടെ ഫോണ്‍ വിളി റെക്കോര്ഡ് ചെയ്തത് ചിക്കാഗോയില്‍ ആയിരുന്നു എന്നതിന് സംശയമില്ല.  അതിനുള്ള സര്‍വ സജ്ജീക്കരണങ്ങളും അരമനയില്‍ കാലേക്കൂട്ടി ഒരുക്കിയിരുന്നു എന്നുവേണം ഊഹിക്കുവാന്‍ .  ഫാ. സജിയുടെ അത്ര സൌഹാര്ധതയിലല്ലാത്ത  ഫോണ്‍ വിളി അരമന ഏത് സമയവും പ്രതീക്ഷിച്ചിരുന്നു. അതുകൊണ്ട് ഒരു വിരല്‍ റെക്കോര്ഡ് ബട്ടണില്‍ വച്ചിട്ടാണ് മറ്റേ കൈകൊണ്ടു ഫോണ്‍ പിക്ക് അപ്പ്‌ ചെയ്തത്.