ഷട്ടിലു വണ്ടി, നമ്മുടെ ഷട്ടിലു വണ്ടി

തള്ള്, തള്ള്, തള്ള്, തള്ള്,
ഷട്ടിലു വണ്ടി-
തള്ള്, തള്ള്, തള്ള്, തള്ളീ-
തല്ലിപ്പൊളി വണ്ടി, ഈ ഷട്ടില്‍ പൊളി വണ്ടി.

ആളുകളുന്തും നേരം കാളക്കുട്ടനെപ്പോലെ,
ചീറ്റും, ങാ, തുമ്മും, പിന്നെ ചത്തതുപോലെ കിടക്കും, വണ്ടി,
ഷട്ടിലു വണ്ടി, നമ്മുടെ ഷട്ടിലു വണ്ടി.

തള്ള്, തള്ള്, തള്ള്, തള്ള്,
ഷട്ടിലു വണ്ടി-
തള്ള്, തള്ള്, തള്ള്, തള്ളീ-
തല്ലിപ്പൊളി വണ്ടി, ഈ ഷട്ടില്‍ പൊളി വണ്ടി.

ഭക്ത ജനങ്ങളുടെ സൌകര്യാര്‍ത്ഥം സീറോ മലബാര്‍ പള്ളിയിലേയ്ക്ക് പ്രത്യക ഷട്ടില്‍ ബസ്സ് സര്‍വീസ് ആരംഭിക്കുവാന്‍ തീരുമാനിച്ചിരിക്കുന്നു. എല്ലാ ഞായരാഴ്ച്ചകളിലും മറ്റു വിശേഷ ദിവിസങ്ങളിലും കാലത്ത് 6 മുതല്‍ ഉച്ചയ്ക്ക് 12 വരെ ഈ സൌകര്യം ഉണ്ടായിരിക്കുന്നതാണ്.

ഏത് മോഡല്‍ ബസ്സാണ് വേണ്ടതെന്ന കാര്യത്തില്‍ തീരുമാനമായിട്ടില്ല. പല കമ്മിറ്റി അംഗങ്ങളും പല നിര്‍ദ്ദേശങ്ങളുമായി വന്നിട്ടുണ്ട്. അവര്‍ മുമ്പോട്ട്‌ വച്ച മോഡലുകളില്‍ നിന്നും കോര്‍ കമ്മിറ്റി തിരഞ്ഞെടുത്ത 4 മോഡ ലുകളുടെ ചിത്രങ്ങള്‍ താഴെ കൊടുത്തിരിക്കുന്നു.
പതിവിന് വിപരീതമായി ഇക്കാര്യത്തില്‍ നിങ്ങളുടെ അഭിപ്രായങ്ങള്‍ക്ക് ഞങ്ങള്‍ വലിയ വിലയാണ് കല്‍പ്പിക്കുന്നത്. അതുകൊണ്ട് ഇവയില്‍ നിന്നും നിങ്ങള്ക്ക് ഏറ്റവും ഇഷ്ടപ്പെട്ട മോഡല്‍ ഏതാണെന്ന് അധികാരികളെ അറിയിക്കുക. നിങ്ങളുടെ തീരുമാനം ഏതായാലും ഈ ഷട്ടില്‍ ഉപയോഗിക്കുന്നതില്‍ നിങ്ങള്‍ ഒട്ടും അമാന്തപ്പെടേണ്ട. സാധാരണ ഒരു സീറോ മലബാര്‍ ഇടവകക്കാര്‍ക്കും കിട്ടാത്ത അസൂയാവഹമായ ഒരു അസുലഭാവസരമാണ് ഇതുവഴി നമുക്ക് കൈ വന്നിരിക്കുന്നത്. എല്ലാം നിങ്ങളുടെ പ്രാര്‍ഥനയുടെ ഫലം. നമുക്ക് സര്‍വ ശക്തനായ ദൈവത്തിനു സ്തുതിയര്‍പ്പിക്കാം.