അന്ധനെ വഴിയോരത്ത് ഉപേക്ഷിച്ച വഴികാട്ടിപ്പട്ടി - കടുപ്പന്‍

അന്ധനായ അങ്ങാടിയത്ത് പിതാവിനെ വഴിയോരത്ത്  ഉപേക്ഷിച്ച് സ്റ്റാന്റ് വിടുന്ന വഴികാട്ടിപ്പട്ടിയാണ്  കടുപ്പന്‍ .
അല്ലെങ്കില്‍ മുങ്ങുന്ന വള്ളത്തില്‍ നിന്നും സ്വന്തം തടി രക്ഷിക്കാന്‍ ചാടി രക്ഷ പെടുന്ന സ്വാര്‍ത്ഥന്‍ . അതുമല്ലെങ്കില്‍ കുടുങ്ങിയ വലയില്‍ നിന്നും തലയൂരി രക്ഷ പെടാന്‍ ശ്രമിക്കുന്ന കൌശലക്കാരന്‍ .


ഞങ്ങളുടെ കണക്കു കൂട്ടലുകള്‍ ശരിയാണെങ്കില്‍ മുകളില്‍ പറഞ്ഞിരിക്കുന്നതെല്ലാം ആണ് കടുപ്പന്‍ .

കടുപ്പനും ബിഷപ്പും അമേരിക്കന്‍ സീറോ മലബാര്‍ വിശ്വാസികള്‍ക്ക് ക്ലാവര്‍ സുവിശേഷം പ്രസംഗിച്ചു പ്രസംഗിച്ചു സ്വയം പാപ്പരായി. അരമന തൊഴിലാളികള്‍ക്ക് ശമ്പളം പോലും കൊടുക്കാന്‍ പറ്റാത്ത ഗതിയാണ് ഇപ്പോള്‍ . കടുപ്പനും മറ്റു അച്ചന്മാര്‍ക്കും ശമ്പളം കിട്ടിയിട്ട് മാസം ആറ്‌ കഴിഞ്ഞു എന്നാണറിവ്. ഇനി ഇവിടെ പറ്റിക്കൂടി നിന്നതുകൊണ്ട് മെച്ചമൊന്നും ഉണ്ടാകില്ല എന്ന സത്യം അദ്ദേഹത്തിന് മനസ്സിലായി. ശിഷ്ട കാലം നാട്ടില്‍ സമ്പാതിച്ചിട്ടിരിക്കുന്നത് അനുഭവിച്ചു ജീവിക്കാം എന്ന് അദ്ദേഹം കണക്കു കൂട്ടിയാല്‍ അതിന് ആര്‍ക്കും അദ്ദേഹത്തെ കുറ്റം പറയാന്‍ പറ്റില്ല.

ഇനി നാട്ടില്‍ സമ്പാദിച്ചിട്ടിരിക്കുന്ന സ്ഥാവരജംഗമ വസ്തുക്കളുടെ കാര്യവും അവ അദ്ദേഹം എങ്ങനെ സമ്പാദിച്ചു എന്ന ചോദ്യവും വരുമ്പോളാണ് സംഗതി കുഴച്ചിലാകുന്നത്. ചിക്കാഗോ രൂപതയെയും അമേരിക്കന്‍ സീറോ മലബാര്‍ വിശ്വാസികളെയും കബളിപ്പിച്ച് കോടിക്കണക്കിനു രൂപയുടെ അനധികൃത സമ്പാദ്യം അദ്ദേഹം ഉണ്ടാക്കിയിട്ടുണ്ടെന്നാണ് പറയപ്പെടുന്നത്‌. ഈ തുകയത്രയും ഉപയോഗിച്ച് ബിനാമിയായി ബന്ധുക്കളുടെ പേരില്‍ അദ്ദേഹം റബര്‍ തോട്ടങ്ങള്‍  വാങ്ങുകയും  കൊട്ടാരതുല്യമായ വീട് പണിയുകയും ചെയ്തിട്ടുണ്ടത്രേ.

ബിഷപ്പിന്‍റെ ഇപ്പോഴത്തെ അരമന വാങ്ങുന്നതിലും, മെത്രാസന ഓഫീസ് എന്ന ഓമനപ്പേരില്‍ ആര്‍ക്കും വേണ്ടാത്ത കണ്ഠം ചെയ്ത ബില്‍ഡിംഗ്‌ 8 ലക്ഷം ഡോളറിന് വാങ്ങിയതിലും, പിന്നീട് അത്‌ വെറും 2 ലക്ഷം ഡോളറിന് തിരിച്ചു വിറ്റതിലും അഴിമതി നടന്നിട്ടുണ്ട്. ഈ ക്രയവിക്രയങ്ങളില്‍ നിന്നും കടുപ്പന്‍ നല്ലൊരു തുക വസൂലാക്കിയിട്ടുണ്ട്.  കൂടാതെ ചിക്കാഗോ കത്തീദ്രല്‍ നിര്‍മാണ ഫണ്ടില്‍ നിന്നും അരമന പണം വലിക്കുകയും അത്‌ മറ്റു അക്കൌന്റ്കളില്‍ പെടുത്തി എഴുതി തല്ലുകയും  ചെയ്തിട്ടുണ്ട്. അന്നത്തെ കോര്‍ കമ്മിറ്റിയുടെ ഒത്താശയോടെ നടത്തിയ ഈ അഴിമതിയില്‍ ചിക്കാഗോ ഇടവകാംഗങ്ങള്‍  കോടിക്കണക്കിനു രൂപയ്ക്ക് കബളിപ്പിക്കപ്പെട്ടിട്ടുണ്ട്. അതേ  കോര്‍ കമ്മിറ്റിയാണ് ഇന്ന് കടുപ്പന് ഒത്താശ ചെയ്തു എത്രയും വേഗം അദ്ദേഹത്തിന് നാട്ടിലേക്ക് യാത്രയയപ്പ് നല്‍കി  കെട്ടു കെട്ടിക്കാനും  തത്രപ്പെടുന്നത്‌.

അരമനയുടെ കണക്കുകള്‍ കൃത്യമായി ബോധിപ്പിക്കാതെ കടുപ്പന്‍ അമേരിക്ക വിടാന്‍ സമ്മതിക്കരുതെന്നു അദ്ദേഹത്തിന്‍റെ  അഴിമതികളെക്കുറിച്ച് നേരിട്ടറിയാവുന്ന ഒരു വിശ്വസനീയ കേന്ദ്രം ഞങ്ങളോട് പറഞ്ഞു. കോടിക്കണക്കിനു രൂപയാണ് ഈ മനുഷ്യന്‍ അടിച്ചു മാറ്റിയിരിക്കുന്നത്. അരമനയുടെ കണക്കുകള്‍ സൂക്ഷ്മമായി പരിശോധിച്ചാല്‍ കടുപ്പന്റെ അഴിമതിയുടെ ആഴം ജനങ്ങള്‍ക്ക്‌ മനസ്സിലാകും എന്ന് അദ്ദേഹം ഞങ്ങളോട് പറഞ്ഞു. കോടതിയില്‍ വരെ സമാധാനം പറയത്തക്ക സാമ്പത്തിക കുറ്റ കൃത്യങ്ങള്‍ അദ്ദേഹം ചെയ്തിട്ടുണ്ടെന്നാണ് ഞങ്ങളുടെ ഈ വൃത്തങ്ങള്‍ പറഞ്ഞത്. സീറോ മലബാര്‍ സഭയില്‍ ഉന്നതമായ ഒരു സ്ഥാനം വഹിക്കുന്ന വ്യക്തിയായതിനാല്‍ ഇതില്‍ കൂടുതല്‍ ഒന്നും തനിക്കു പറയാന്‍ കഴിയില്ലെന്ന് അദ്ദേഹം ഞങ്ങളോട് തുറന്ന് പറഞ്ഞു. "പറയാവുന്നതില്‍ അപ്പുറം ഞാന്‍ പറഞ്ഞു. പ്രവര്‍ത്തിക്കേണ്ടത് നിങ്ങളാണ്. കാരണം ഇത് നിങ്ങളുടെ അദ്വാനത്തിന്റെ ഫലമാണ്. " ഫാ. ..... ഞങ്ങളോട് പറഞ്ഞൂ.