ഫാ. കടുപ്പിലിനു വിട

പഴയ നിയമത്തില്‍ എവിടെയോ പറഞ്ഞിട്ടുണ്ടെന്നു തോന്നുന്നു: ലോകാവസാന കാലം പശുവും സിംഹവും ഒരേ പുല്‍ മേടയില്‍നിന്നു ഒരുമിച്ച് മേയുമെന്നു. ഫാ. കടുപ്പനും  ഫാ. തുണ്ടത്തിലും  ഇന്ന് 11 മണി കുര്‍ബാനയ്ക്ക് ഒരേ ബലി പീഠത്തില്‍! കടുപ്പന്റെ കലാശക്കുര്‍ബാന.

ഫാ. ആന്റണി ഫാ. കടുപ്പനേ വെറുതെ പൊക്കി പെരും നുണയോടെയാണ് ദിവ്യബലി തുടങ്ങിയത് തന്നെ. പ്രസംഗം കടുപ്പന്‍ . പതിവ് പോലെ സ്മൂത്ത്. ഇന്നെന്തോ കുറച്ചു നാളായി ഇല്ലാതിരുന്ന "പുരോഹിതര്‍ക്ക് വേണ്ടിയുള്ള പ്രാര്‍ത്ഥന". കടുപ്പന് വേണ്ടിയായിരിക്കാം. കുര്‍ബാന കഴിഞ്ഞു യാത്രയയപ്പു സമ്മേളനം.

കച്ചറ മുഖ്യന്‍ ഡോ. പാച്ചു കുഞ്ചെറിയയായിരുന്നു എംസീ. ഫാ കടുപ്പന് പുറമേ ബിഷപ്‌, ഫാ. ആന്റണി, ഫാ. ശാശ്ശേരി, കൈക്കാരന്മാരായി ജോമോന്‍ ചിറയില്‍ , ഫെബിന്‍ എന്നവര്‍ ഹാജരായിരുന്നു. തക്കം കിട്ടുമ്പോളൊക്കെ ആന്റണിയച്ചനെ വാനോളം പുകഴ്ത്തുവാന്‍  ഡോ പാച്ചു മറന്നില്ല. അദ്ദേഹത്തിന്‍റെ ചില സാഹിത്യ പദപ്രയോഗങ്ങള്‍ സാദാ സീറോ മലബാറിക്കു  ദഹിക്കാവുന്നതിലധികമായിരുന്നു. ഈശ്വര പ്രാര്‍ത്ഥനയോടെ പരിപാടികള്‍ തുടങ്ങി.

ആദ്യമായി ഫെബിന്‍ എന്ന കൈക്കാരന്റെ സ്വാഗത പ്രസംഗമായിരുന്നു.  അദ്ദേഹം വിരണ്ടു വിറച്ചു പറഞ്ഞത് ആര്‍ക്കും കാര്യമായി മനസ്സിലായില്ല. അദ്ദേഹത്തിന്റെ  പരവേശം കണ്ടപ്പോള്‍ മെഡിക്കല്‍ ടീമിന്റെ ആവശ്യം വരുമോ എന്ന് ജനം ഓര്‍ത്തു പോയി. വേണ്ടിവന്നാല്‍ അന്ത്യ കുദാശ കൊടുക്കാന്‍ ബിഷപ്പ് ഉള്‍പ്പടെ എല്ലാ അച്ചന്മാരും തയ്യാറായി നിന്നു.

"ഞങ്ങള്‍ തമ്മില്‍ പല അഭിപ്രായ വ്യത്യാസങ്ങളും ഉണ്ടായിട്ടുണ്ട്. എന്നുകരുതി ആരും അത്‌ വച്ചു മുതലെടുക്കാന്‍ നോക്കേണ്ട," ഫാ. ആന്റണി തന്‍റെ ആശംസാ പ്രസംഗത്തില്‍ പറഞ്ഞു. ഇതോടെ  അദ്ദേഹം ആകെ  വികാരഭരിതനായി. "പാതിരി എന്നാല്‍ പകുതി ഉരുകിത്തീരുന്ന  തിരി എന്നര്‍ത്ഥം. അങ്ങനെ ഉരുകാനുള്ള ശക്തി സഭ ഞങ്ങള്‍ക്ക് തരും, തന്നിട്ടുണ്ട്. ജീവിതം എന്നാല്‍ സഹനം ആണ്. അത്‌ ആരെന്തു പറഞ്ഞാലും ഞങ്ങള്‍ സഹിക്കും. പിന്നെ ഒരു കാര്യം പറയാം. നമ്മുടെ കുഞ്ഞുങ്ങള്‍. നിങ്ങളുടെ കുഞ്ഞുങ്ങള്‍ക്ക്‌ വേണ്ടിയാണ് ഞങ്ങള്‍ ജീവിച്ചതും, ഫാ. റോയ് ജീവിച്ചതും." നമ്മുടെ കുഞ്ഞുങ്ങള്‍ക്ക്‌ വീടുകളില്‍ പോയി സഭയെപ്പറ്റി അദ്ദേഹം ക്ലാസ്സുകള്‍ എടുക്കാറുണ്ടായിരുന്നുവെന്നും ഫാ ആന്റണി പറഞ്ഞു. ഇത് പല മാതാപിതാക്കള്‍ക്കും ഒരു പുതിയ അറിവാണ് എന്ന്  എടുത്തു പറഞ്ഞു കൊള്ളട്ടെ.

CCD, School of Languages, Kachara Academy എന്നിവയെ പ്രതിനിധീകരിച്ചു മൂലയില്‍ പാപ്പച്ചന്‍ തന്‍റെ സ്വത സിദ്ധമായ സ്ത്രൈണ ശബ്ദത്തില്‍ വാചാലമായി സംസാരിച്ചു.

അല്ലറ ചില്ലറ സംഘടനകളെ പ്രതിനിധീകരിച്ചു ഒരു പെങ്കൊച്ചു മലയാളത്തില്‍ സംസാരിച്ചത് ഏവരുടെയും ശ്രദ്ധ പിടിച്ചു പറ്റി. "റോയ് അച്ഛനെ പറ്റി പറയുമ്പോള്‍ ഞങ്ങള്‍ക്ക് ഏറ്റവും ഇഷ്ടപ്പെട്ടത് അദ്ദേഹത്തിന്‍റെ ചിരിയാണ്. ഞങ്ങള്‍ മരിക്കുന്നത് വരെ ആ ചിരി ഞങ്ങളുടെ ഹൃദയത്തില്‍ സൂക്ഷിക്കും", ആ കുട്ടി പറഞ്ഞു. "ഞങ്ങള്‍ ഏതു സമയത്തും  എന്തു ചോദിച്ചാലും അത്‌ തരുവാന്‍ ഫാ. റോയ് ഒരിക്കലും മടി കാണിച്ചിട്ടില്ല. ഞങ്ങളുടെ സിമ്പോസിയം, ക്ലാസ്സുകള്‍ എന്നിവയ്ക്കൊക്കെ അച്ഛനെ വിളിക്കേണ്ട കാര്യമേയുള്ളൂ. അദ്ദേഹം എവിടെയായാലും ഓടി വരും. അദ്ദേഹത്തിന്‍റെ ക്ലാസ്സുകളും മറ്റും എന്തൊരു ആസ്വാദ്യ കരമായിരുന്നു എന്ന് പറഞ്ഞറിയിക്കാന്‍ വയ്യ" ആ കൊച്ചു ഒരു നാണവുമില്ലാതെ തട്ടിവിട്ടു കൊണ്ടിരുന്നു. ഇതൊക്കെ കേട്ടു കടുപ്പന്റെ വെളുത്ത മുഖം ചുവന്നു തുടുത്തു.

ബിഷപ്പിന്‍റെ പ്രസംഗത്തില്‍ അദ്ദേഹം എന്തൊക്കെ പറഞ്ഞു എന്ന് മനസ്സിലാക്കുവാന്‍ ജനങ്ങള്‍ നന്നേ കഷ്ടപ്പെട്ടു. എന്നാല്‍ ജോമോന്‍ വളരെ ഭംഗിയായി പ്രസംഗിച്ചു എന്ന് ഞങ്ങള്‍ സമ്മദിച്ചു തന്നിരിക്കുന്നു.

ഏതായാലും  മുകളില്‍ പറഞ്ഞ പെങ്കൊച്ചിന്റെ സംസാരം അങ്ങനെ പഞ്ചാരപ്പാനി പോലെ ഒഴുകുന്നത്‌ കേട്ടു അസൂയ തോന്നിയ ഈ ലേഖകന്‍ ഉടനെ സ്ഥലം വിട്ടു.

ഫാ. ആന്റണി താന്‍ പകുതി ഉരുകിയ മെഴുതിരിയാണ്  എന്ന് പറയുന്നു. ജീവിതം കഷ്ടപ്പാട് നിറഞ്ഞതാണ്‌ എന്ന് പറയുന്നു. പക്ഷെ ഫാ. റോയ് തന്‍റെ പ്രസംഗത്തില്‍ പറഞ്ഞു: "തനിക്കു ഏറ്റവും സംതൃപ്തിയും സന്തോഷവും ആനന്ദവും നല്‍കുന്നത് ഒരു പുരോഹിതന്‍ ആയിരിക്കുന്നതിലാണ്" എന്ന്. എന്നുവച്ച് ആരും ദാമ്പത്യം ഉപേക്ഷിച്ച് പട്ടത്തിനു പോകാന്‍ ഒരുമ്പെടല്ലേ എന്നും അദ്ദേഹം ജനങ്ങളെ ഓര്‍മ്മിപ്പിച്ചു.

ആറേഴു വര്‍ഷങ്ങള്‍ കൊണ്ട്‌ തോട്ടങ്ങള്‍ രണ്ട്‌ വാങ്ങാനും, കൊട്ടാരം ഒന്ന്‌ പണിയാനും കഴിഞ്ഞിരുന്നെങ്കില്‍ കടുപ്പനെപ്പോലെ ഈയുള്ളവനും സംതൃപ്തനായിരുന്നെനെ.

ഏതായാലും നാട്ടില്‍ പോകാനുള്ള തയ്യാറെടുപ്പില്‍ അദ്ദേഹം തന്‍റെ തല ടാറ് പോലെ കറുത്ത  പെയിന്റടിച്ചിരുന്നു എന്ന് അദ്ദേഹത്തിന്‍റെ അമേരിക്കയാകമാനമുള്ള ആരാധികാവൃന്ദത്തെ  അറിയിച്ചു കൊള്ളട്ടെ.

ഫാ. കടുപ്പന്റെ അഭാവത്തില്‍ ഇനി ആര് നമ്മുടെ പെണ്‍കിടാങ്ങള്‍ക്കു അമേരിക്ക മുഴുവന്‍ ഓടി നടന്നു  കാനാ കോഴ്സ് നടത്തി ഇന്‍റെര്‍കോഴ്സ് പഠിപ്പിക്കും എന്നാണ് അധികാരികളുടെ ഇപ്പോഴത്തെ ചിന്ത.