കോപ്പേല്‍ പള്ളി വികാരിയുടെ ഓഫീസ് കുത്തിത്തുറന്നു

കോപ്പേല്‍ പള്ളി വികാരി ഫാ വര്‍ഗീസിന്‍റെ പള്ളിക്കെട്ടിട സമുച്ഛയത്തിനകത്തുള്ള ഓഫീസില്‍ കഴിഞ്ഞ രാത്രി ആരോ ബലം പ്രയോഗികിച്ചു കടന്നതായി കണ്ടെത്തിയിരിക്കുന്നു. ശനിയാഴ്ച കാലത്ത് കുര്‍ബാനയ്ക്ക് വന്ന ചില ഇടവകാംഗങ്ങളാണ് ഓഫീസ് വാതില്‍ തുറക്കപ്പെട്ട രീതിയില്‍ കണ്ടെത്തിയത്. അവര്‍ അറിയിച്ചതനുസരിച്  വികാരിയച്ചന്‍ കോപ്പേല്‍ പോലീസില്‍ വിവരമറിയിച്ചു. ഉടനടി സ്ഥലത്തെത്തിയ പോലീസ് അന്വേഷണം നടത്തികൊണ്ടിരിക്കുകയാണ്. വിരലടയാളങ്ങളും മറ്റു ചില തെളിവുകളും പോലീസ് കണ്ടെടുത്തിട്ടുണ്ടെന്ന് പറയപ്പെടുന്നു.

പ്രാഥമീകാന്ന്വെഷണത്തില്‍ വിലപ്പെട്ടതായ ഒന്നും നഷ്ടപ്പെട്ടതായി അറിവില്ല. കമ്പ്യൂട്ടര്‍, ലാപ്‌ ടോപ്‌ ക്യാമറ തുടങ്ങിയ ഉപകരണങ്ങള്‍ ഒന്നും തന്നെ പോയിട്ടില്ലെന്ന് പോലീസിനോട് അച്ഛന്‍ പറഞ്ഞു എന്നാണ് ഞങ്ങളുടെ അറിവ്. വിലപ്പെട്ട ഏതെങ്കിലും പള്ളി രേഖകള്‍ കാണാതായിട്ടുണ്ടോ എന്ന പലരുടെയും ചോദ്യത്തിന്, അങ്ങനെ പോയിട്ടുണ്ടെങ്കില്‍ അത്‌ ഉറപ്പ് വരുത്തിയശേഷം പിന്നീട് അറിയിക്കാം എന്നാണ് അച്ഛന്‍ ഉത്തരം പറഞ്ഞത്.

ഇപ്പോഴത്തെ ഈ പ്രത്യേക സാഹചര്യത്തില്‍ ഇങ്ങനെ ഒരു സംഭവം നടന്നതില്‍ ദുരൂഹതകള്‍ എന്തെങ്കിലും ഇല്ലേ എന്ന് ഞങ്ങള്‍ ബലമായി സംശയിക്കുന്നു. വിവാദപരമായ പല രേഖകളും കോപ്പേല്‍ പള്ളി ഫയലുകളില്‍ ഉണ്ടെന്നു കഴിഞ്ഞ വര്‍ഷത്തെ കോപ്പേല്‍ ചരിത്രം അല്‍പ്പമെങ്കിലും അറിയാവുന്നവര്‍ക്ക് മനസ്സിലാക്കാവുന്നതേയുള്ളൂ. ഈ രേഖകളില്‍  ഒന്നുപോലും   നഷ്ടപ്പെട്ടിട്ടില്ല എന്ന് ഉത്തരവാദിത്വപ്പെട്ടവര്‍ ഇപ്പോള്‍ തന്നെ  ഉറപ്പ് വരുത്തേണ്ടത് വളരെ ആവശ്യമാണ്‌. കാരണം നാളെ പുതിയ പാരിഷ് കൌണ്‍സില്‍ ചാര്‍ജ് എടുക്കാന്‍ ഇരിക്കുന്നു. കൂടാതെ ഈ രേഖകള്‍ പിന്നീടൊരു ക്രിമിനല്‍ കേസില്‍ തെളിവായി ഉപയോഗിച്ച് കൂടായ്കയില്ല. ഒന്നും നഷ്ടപ്പെട്ടിട്ടില്ല എന്ന വികാരിയുടെ മൊഴിയില്‍ പോലീസ് ഈ സംഭവം വെറുമൊരു മോഷണശ്രമമായി ഇപ്പോള്‍ തള്ളിക്കളഞ്ഞിട്ടു, പിന്നീട് ഏതെങ്കിലും രേഖകള്‍ അപ്രത്യക്ഷമായിരിക്കുന്നതായി കണ്ടെത്തിയാല്‍  അത്‌ കൂടുതല്‍ സംശയങ്ങള്‍ക്കും ആരോപണങ്ങള്‍ക്കും ഇടവരുത്തും എന്നുറപ്പാണ്.