യൂത്തുകള്‍ കൂടുതല്‍ അപ്സെറ്റ് ആണ്

അതെ നാര്‍ത്തെക്സില്‍ പൂക്കളമിട്ടതിനെ വിമര്‍ശിച്ചു എഴുതിയ വോയ്സിനെതിരെ നമ്മുടെ യൂത്ത് വളരെ ക്ഷുഭിതരാണ്. അവര്‍ അയച്ചിരിക്കുന്ന ഭീഷണികള്‍ക്കും അസഭ്യവര്‍ഷങ്ങള്‍ക്കും കണക്കില്ല. 

യൂത്തുകാര്‍ എത്ര ഭീഷണിപ്പെടുത്തിയാലും  പൂക്കളം ഇടേണ്ടത് പള്ളിയുടെ നാര്‍ത്തെക്സില്‍ അല്ല എന്ന് ഞങ്ങള്‍ ഉറച്ചു വിശ്വസിക്കുന്നു. അതിനു ഞങ്ങള്‍ അവരെ നൂറു ശതമാനം കുറ്റം പറയുന്നില്ല. കൈക്കാരന്മാര്‍ എന്നും മറ്റുമുള്ള വേഷം കെട്ടി ചില ശുംഭന്മാര്‍ അതിലെ നടക്കുന്നുണ്ടല്ലോ. യൂത്തുകള്‍ക്ക് അറിയില്ലായിരുന്നെങ്കില്‍ പറഞ്ഞു കൊടുക്കാനുള്ള ഉത്തര വാദിത്വം അവര്‍ക്കുണ്ടായിരുന്നു. 

പള്ളിയില്‍ വന്നു യൂത്തുകാരോട് ധൈര്യമുണ്ടെങ്കില്‍ നേരിട്ട് സംസാരിക്കാന്‍ ചിലര്‍ ഞങ്ങളെ വെല്ലു വിളിച്ചിട്ടുണ്ട്. അതിനു ഞങ്ങള്‍ ഇല്ല. കള്ളും കഞ്ചാവും വലിച്ചു അരവട്ടു പിടിച്ചു നടക്കുന്ന യൂത്ത് ഗൂണ്ടാകളോട് നേരിടുവാന്‍ ഈ വയസ്സാം കാലത്ത് ഞങ്ങളില്ല. കള്ളിന്‍റെയും   കഞ്ചാവിന്റെയും കാര്യം പറയുമ്പോള്‍ ഞങ്ങളുടെ പുറത്തോട്ടു കയറേണ്ട.   ഇത് യൂത്തിന്റെ തലതൊട്ടപ്പന്‍ ഫാ ആന്റണി തന്നെ പറഞ്ഞുകൊണ്ട് നടക്കുന്ന കാര്യമാണ്. പള്ളിപ്പരിസരം മുഴുവന്‍ ക്യാമറകള്‍ കൊണ്ട് നിറക്കാന്‍ കാരണം യൂത്ത് പള്ളിപ്പരിസരത്ത് കഞ്ചാവ് കച്ചവടം ഉള്‍പ്പടെ പല അനധികൃത പരിപാടികളും നടത്തുന്നത് തടയാന്‍ ആണെന്നാണ്‌ അദ്ദേഹം പലരോടും പറഞ്ഞിട്ടുള്ളത്. അച്ഛന്‍ ഈ പറഞ്ഞത് കള്ളമാണോ എന്നറിഞ്ഞു കൂടാ. ഏതായാലും ഇത്രയും കേട്ട സ്ഥിതിക്ക് യൂത്തുമായി കോര്‍ക്കാന്‍ പോകാന്‍ ഞങ്ങള്‍ക്ക് തലയ്ക്കു വട്ടില്ല.

 പിന്നെ, അഭിപ്രായം എഴുതുന്നവരെ ഒരു കാര്യം ഓര്‍മ്മിപ്പിക്കുവാന്‍ ശ്രമിക്കുകയാണ്. അസഭ്യവര്‍ഷം നടത്തുന്നത് നിയമ വിരുദ്ധമല്ല. പക്ഷെ അക്രമം കാണിക്കും എന്ന് ഭീഷണിപ്പെടുത്തുന്നത് നിയമവിരുദ്ധം ആണെന്ന് ഓര്‍മ്മിപ്പിച്ചു കൊള്ളട്ടെ. വിമര്‍ശനത്തിനെതിരെ ക്രിയാത്മകമായി പ്രതികരിക്കാതെ അസഭ്യം കൊണ്ട് നേരിടുന്നത് പറയാന്‍ മറുപടിയില്ലാഞ്ഞിട്ടാണ് എന്ന് ഞങ്ങള്‍ വിശ്വസിക്കുന്നതില്‍ തെറ്റുണ്ടോ? 

 തിരുവോണം ഹൈന്ദവ പുരാണവുമായി അഭേദ്യമായി ബന്ധപ്പെട്ടു കിടക്കുന്ന ഒന്നാണ്. നമ്മള്‍ ക്രിസ്ത്യാനികളും അത് ഒരു ദേശീയോത്സവം എന്ന രീതിയില്‍ ആഘോഷിക്കുന്നതില്‍ തെറ്റൊന്നും ഞങ്ങള്‍ കാണുന്നില്ല. ക്രിസ്ത്യാനികള്‍ ഓണം ആഘോഷിക്കാന്‍ തുടങ്ങിയിട്ട് കാലം ഒത്തിരിയൊന്നും ആയിട്ടില്ല. പത്തു നാല്‍പ്പതു വര്‍ഷങ്ങള്‍ക്കു മുമ്പ് ക്രിസ്ത്യാനികള്‍ അത് ആഘോഷിക്കാരുണ്ടായിരുന്നില്ല എന്ന് ഏത് പഴമക്കാരനോട് ചോദിച്ചാലും പറഞ്ഞു തരും. 

 ഇനി ഇക്കാര്യത്തില്‍ ഞങ്ങള്‍ പറയുന്നത് ശരിയോ തെറ്റോ ആകട്ടെ. ആചാരമനുസരിച്ച് ഓണപ്പൂ ഇടേണ്ടത് മുറ്റത്താണ്. വരാന്തയിലോ, വീടിനകത്തോ അല്ല. തങ്ങളുടെ ഭവനത്തില്‍ ഓണത്തപ്പന് സ്വാഗതമാണ് എന്ന് അദ്ദേഹത്തെ കാണിക്കുക എന്നതാണ്  വീടിന്‍റെ മുമ്പിലെ  മുറ്റത്തിന്‍റെ  നടുവില്‍ തന്നെ ഓണപ്പൂവിടുന്നതിന്റെ ഉദ്ദേശം. പള്ളിയുടെ മുറ്റത്താണ് അതിട്ടിരുന്നതെങ്കില്‍ ഞങ്ങള്‍ അതിനെ വിമര്‍ശിക്കില്ലായിരുന്നു. 

 അതുപോലെ തന്നെ ഓണത്തപ്പന് സ്വാഗതം പറയുന്നത് സീറോ മലബാര്‍ കുടുംബമാണ്. അതുകൊണ്ട് പൂവിട്ടത് ആരായാലും അവരുടെ പേര് അവിടെ എഴുതിവച്ചത് ഉചിതമായില്ല. മുട്ടുസൂചി നീക്കിവയ്ക്കുന്നതിനു പോലും കയ്യടിയും പ്രശസയും വേണമെന്നും അച്ഛന്‍ പള്ളിയില്‍ വിളിച്ചു പറയണമെന്നും ശാട്യം പിടിക്കുന്നത്‌ തികച്ചും ബാലിശമാനെന്നെ ഞങ്ങള്‍ പറയൂ.