ചെങ്ങളം പള്ളി വികാരി പുതുമനയെ എന്തുകൊണ്ട് സഭ നിയന്തിക്കുന്നില്ല.?

കാഞ്ഞിരപ്പള്ളി ലേഖകന്‍: കാത് കുത്തുന്നിടത്തു ഇറച്ചിക്ക് വേണ്ടി തെണ്ടുന്ന വനെപ്പോലെയാണ് ചെങ്ങളം പള്ളി വികാരി ഫാ.പുതുമന അമേരിക്കയിലെ ഹെംഷെട്ട് ഇടവകയിലെ മലയാളികളുടെ പക്കല്‍ പണപ്പിരിവിനു എത്തിയത് എന്ന് അമേരിക്കന്‍ മലയാളികള്‍ പറയുന്നു.

ഹെംഷെട്ട് ഇടവകയില്‍ മാത്രമല്ല, ചിക്കാഗോ, കാനഡായിലെ ചില മലയാളി കുടുംബങ്ങള്‍, തുടങ്ങി അങ്ങേര്‍ക്കു മുഖ പരിചയമുള്ളവരുടെ അടുക്കല്‍വരെയും ചെന്ന് പണപ്പിരിവു നടത്തിയ്ട്ടുണ്ട്. എന്നാല്‍ ചെങ്ങളം പള്ളിയില്‍ വച്ചു ആ നാട്ടുകാരോട് താന്‍ എന്തിനു അമേരിക്കയില്‍ പോകുന്നുവെന്ന് ആരോടും പറഞ്ഞിട്ടില്ല. പുതുമന ബോംബിട്ടു തകര്‍ത്ത "ചെങ്ങളം പള്ളി പണിയുന്നതിനു പണം തരണമെന്ന്" അമേരിക്കയില്‍ ചെന്ന് ആവശ്യപ്പെട്ടു പണ പ്പിരിവു നടത്തി അവിടെ നിന്ന് ഏപ്രില്‍ മാസം 29 നു തിരിച്ചു ചെങ്ങളത്തു എത്തിയെന്ന് പണം പിരിവു നല്‍കിയ ഒരു മാന്യ ഭക്തന്‍ പറഞ്ഞു. എന്തായാലും പരസ്യമായ ഈ തട്ടിപ്പ് നടത്തിയ പുതുമനയ്ക്ക് എതിരെ നടപടി എടുക്കുവാന്‍ എന്ത് കൊണ്ട് ഒരു ബിഷപ്പും ഒരു കര്‍ദ്ദിനാളും ഒരുമ്പെടുന്നില്ലാ എന്ന ചോദ്യം നില നില്‍ക്കുന്നു.

പുതുമനയുടെ ബിസ്സിനസ്സ് കാര്യങ്ങള്‍ ആര്‍ക്കും അറിവുള്ളതാണ്. എറണാകുളത്തു മേനകാ ജംക്ഷനിലുള്ള" ഗ്ലോബ് ഇന്‍ ഗ്ലോബ് "എന്ന സ്ഥാപനം ഫ.പുതുമനയുടെ ബിനാമി സ്ഥാപനമാണ്‌.പുതുമനയുടെ സഹോദരിയും ഭര്‍ത്താവും ഇതിനു പങ്കാളിയായി പ്രവര്‍ത്തിക്കുന്നു. ലക്ഷങ്ങള്‍ തുക കോഴ വാങ്ങി നടത്തുന്ന തൊഴില്‍ തട്ടിപ്പ് കേന്ദ്രമായി ആ സ്ഥാപനം പ്രവര്‍ത്തിക്കുന്നു. ഇതിനു വേണ്ടുന്ന പുരോഹിത വേഷം കെട്ടി അമേരിക്കയിലും ക്യാനഡയിലും ജര്‍മ്മനിയിലും മറ്റു യൂറോ രാജ്യങ്ങളിലും പണ പിരവു ഈ വര്‍ഷാരംഭത്തില്‍ ഫാ.പുതുമന നടത്തിയതായി അറിയാം. ഹെം ഷെട്ടില്‍ തന്നെ അവിടെയുള്ളവര്‍ക്ക് സ്വന്തമായി ഒരു പള്ളി ഉയര്‍ന്നു വരുന്നതേയുള്ളൂ. അവിടെയുംചെന്ന് പിരിവോട് പിരിവു. ! പക്ഷെ പുതുമന അവിടെയും നഞ്ചു കലക്കി ഡോളര്‍ വാരിക്കൊണ്ട് പോയി എന്ന് ചിലര്‍ എങ്ങലടിക്കുന്നു. ചെങ്ങളത്തു തിരിച്ചെത്തിയ ഫാ.പുതുമന അമേരിക്കയിലെ പണമിടപാടുകള്‍ നടന്ന ഒരു കാര്യങ്ങളും ഇടവകക്കാരെ അറിയിചില്ല.

പ്രിയ വായനക്കാരെ, ക്രിസ്ത്യാനികള്‍ ഒരു കാലത്ത് വൈദികരെ ബഹുമാനിക്കുകയും അവരുടെ സാന്നിദ്ധ്യം ആഗ്രഹിക്കുകയും അവര്‍ പറയുന്ന ഓരോ വാക്കുകള്‍ ദൈവവാക്യമായി കരുതുകയും ചെയ്തിരുന്നത് ഒരു വസ്തുതയാണ് .ഈ വിശ്വാസ പാരമ്പര്യ ശൈലിക്ക് മാറ്റങ്ങള്‍ ഉണ്ടായത് നമ്മുടെ ആരുടേയും എങ്കിലും സ്വാധീനം മൂലമാണോ എന്ന് പോലും ഞാന്‍ ചിന്തിച്ചു പോയിരുന്നു. പക്ഷെ, എന്തിനും ഏതിനും പാതിരിമാരെ ഉയര്‍ത്തിക്കാട്ടിയ നമ്മുടെ നേരെ ബോംബും വടിവാളും ഓങ്ങിയത് ഇവര്‍ തന്നെയാണല്ലോയെന്നു ഖേദപൂര്‍വ്വം ഇവിടെ പറയാതെ വയ്യ. പണത്തിന്‍റെ പരവതാനിയില്‍ ചവുട്ടി ജീവിക്കുവാന്‍ പുരോഹിത വര്‍ഗ്ഗം തുടങ്ങിയതോടെ നമ്മുടെ കത്തോലിക്ക സഭയില്‍ അടുത്ത ഒരു വലിയ റിഫോര്‍മേഷന് പാകമായ ,തികച്ചും സങ്കീര്‍ണ്ണമായ ഒരു കാലഘട്ടത്തെ നേരിടുവാന്‍ സമയമായി എന്ന് തോന്നുന്നു. ധാര്‍മ്മികതക്കും  ആധ്യാത്മികതക്കും     പുരോഹിതരുടെ നിഘണ്ടുവില്‍ സ്ഥാനമില്ലാതെ വന്നിരിക്കുന്നു. പതിനഞ്ചാം നൂറ്റാണ്ടിലെയും പതിനാറാം നൂറ്റാണ്ടിലെയും സഭാ പരിവര്‍ത്തനത്തിനും കാരണം, സഭയുടെ നേത്രുത്വ ദോഷത്തിന്‍റെ ദുഷിച്ച ഫലങ്ങള്‍ ആയിരുന്നല്ലോ . അന്ന് മാര്‍ട്ടിന്‍ ലൂതറെ ചിലര്‍ പഴിച്ചു. അതെന്തുമാകട്ടെ, ഇന്നത്തെ സഭയെ വ്യവസായീകരിക്കുകയും കോഴവല്‍ക്കരിക്കപ്പെടുത്തുകയും  സാമ്രാജ്യ വല്‍ക്കരിക്കപ്പെടുത്തുകയും ചെയ്ത കേരളത്തിലെ സഭയിലെ പുരോഹിതര്‍ മുതല്‍, മെത്രാനും കര്‍ദ്ദിനാളും ഉള്‍പ്പടെയുള്ളവരെ - അതെ ഈ വലിയ സംവിധാനത്തെ ആര്‍ക്കു എങ്ങനെ വിശ്വസിക്കാം? സഭാംഗങ്ങളായ ഓരോ ക്രിസ്ത്യാനിയും ഏതു തരത്തിലുള്ള ഒരു നവീകരണം സാദ്ധ്യമാകണം എന്ന് ചിന്തിക്കുവാന്‍ പ്രാപ്തരാകണം. സഭാ നവീകരണം മദ്ധ്യ കാലഘട്ടത്തില്‍ എങ്ങനെ സാദ്ധ്യമായി? സഭയിലെ സ്ഥിതി വിശേഷങ്ങള്‍ അത്രമാത്രം അസഹനീയമായിരുന്നോ ?,അതോ, പുരോഹിത വര്‍ഗ്ഗത്തിന്‍റെ സഭയിലെ അധികാര ശക്തിയുടെയും സമ്പത്തിന്‍റെയും തിളക്കം വിശ്വാസ വഴികളെ ശ്വാസം മുട്ടിച്ചിരുന്നോ ? ഇന്ന്- സഭ ഒരു വഴിത്തിരിവിനു തയ്യാറാകേണ്ടിവരില്ലേ എന്ന് സംശയിച്ചു നില്‍ക്കുന്നു.