കോമാളി വേഷം കെട്ടുന്ന നമ്മുടെ ചില മെത്രാന്മാര്‍

മരക്കുരിശിനെ നമിക്കുന മണ്ടന്‍മാര്‍  

പാരമ്പര്യം എന്ന പേരില്‍ പ്രാകൃത രീതികള്‍ ആണ് നമ്മുടെ സീറോ മലബാര്‍ പിതാക്കന്മാര്‍ വിശ്വാസികളുടെ ഇടയില്‍ പ്രചരിപ്പിക്കുവാന്‍ ശ്രമിക്കുന്നത്. പരസ്പര വിരുദ്ധങ്ങളായ ആചാര മര്യാദകള്‍ ആണ് കല്‍ദായ പാരമ്പര്യം എന്ന പേരില്‍ അവര്‍ വിശ്വാസികളുടെ മേല്‍ അടിച്ചേല്‍പ്പിക്കുന്നത്.

ബിഷപ്‌ അങ്ങാടിയത്തും മാര്‍ പവ്വത്തിലും മാര്‍ ആലഞ്ചേരിയും ഇത്രയ്ക്കു കൊട്ടി ഘോഷിക്കുന്ന കല്‍ദായ പാരമ്പര്യത്തിന് ഹൈന്ദവ വിശ്വാസവും രീതികളുമായി എന്ത് ബന്ധമുണ്ടെന്നു മനസ്സിലാകുന്നില്ല.

നാസി സല്യൂട്ടോ  കൈ ചൂടാക്കുന്നതോ?

കേരളത്തിലെ ക്രൈസ്തവ സഭ കല്‍ദായ സ്വാധീനത്തില്‍ ആയിരുന്ന കാലത്ത് അവര്‍ നിലവിളക്കിനു മുകളില്‍ മാര്‍ തോമാ കുരിശു കയറ്റി അതിനെ വന്ദിച്ചിരുന്നതായി കേട്ട് കേള്‍വി പോലുമില്ല. അതുപോലെ തന്നെ സഭയുടെ ഉന്നതാധികാരികള്‍ രുദ്രാക്ഷ മാല സ്ഥാനവസ്ത്രങ്ങളുടെ ഒരു ഭാഗമായി കണക്കാക്കിയിരുന്ന തായും കേട്ടിട്ടില്ല.

സീറോ മലബാര്‍ മേജര്‍ ആച ബിഷപ്പ് മാര്‍ ആലഞ്ചേരി "പരമ ശിവന്റെ നയനങ്ങള്‍" എന്നര്‍ത്ഥം വരുന്ന രുദ്രാക്ഷമാല കഴുത്തില്‍ അണിയുന്നതിന്‍റെ  അര്‍ഥം എന്തെന്ന് അദ്ദേഹം ഒന്ന് വിശദീകരിച്ചു തന്നാല്‍ നന്നായിരുന്നു. അത് പോലെ തന്നെ കാവി നിറത്തിലുള്ള ലോഹ അണി യുന്നതിന്‍റെ  പൊരുളും അറിഞ്ഞാല്‍ കൊള്ളാമെന്നുണ്ട്.

കോമാളി വേഷം കെട്ടുന്ന കാര്യത്തില്‍ നമ്മുടെ സീറോ മലബാര്‍ ബിഷപ്പുമാര്‍ കമല സര്‍ക്കസ്സിലെ ബഫൂണ്‌കളെ തോല്‍പ്പിക്കും. തലയില്‍ മയില്‍ത്തൊപ്പിയും കയ്യില്‍ ക്ലാവര്‍ വടിയും ആയി വരുന്ന നമ്മുടെ ബിഷപ്പുമാര്‍ കത്തോലിക്കാ സഭക്ക് തന്നെ വലിയൊരു embarrasment ആണെന്ന് പറയാതെ നിവൃത്തിയില്ല.

നിരന്നു നിന്ന് ക്ലാവര്‍ വിളക്കിനു നാസി സല്യൂട്ട് കൊടുക്കുന്ന മെത്രാന്മാരെയും വൈദികരെയും തികഞ്ഞ പുച്ചത്തോടെ മാത്രാണ്  പ്രബുദ്ധരായ സീറോ മലബാര്‍ വിശ്വാസികള്‍ നോക്കിക്കാണുന്നതെന്ന് എന്തുകൊണ്ട് ഈ വിവരദോഷികള്‍ മനസ്സിലാക്കുന്നില്ല. കേരളത്തിലെ രീതി അനുസരിച്ച് വല്ല കൈക്കൂലിയും കൊടുത്താണോ ഇവര്‍ തങ്ങളുടെ ഈ കൊമാളിത്തോപ്പിയും വടിയും ഒപ്പിച്ചെടുത്തതെന്നു ന്യായമായും സംശയിക്കേണ്ടിയിരിക്കുന്നു.