പുലിക്കുന്നേലും കട്ടിക്കാരനും പിന്നെ അവര്‍ക്കെതിരെ കുരക്കുന്ന പല്ല് കൊഴിഞ്ഞ കുറെ കൊടിച്ചിപ്പട്ടികളും

എഴുതിയത്: ജോസഫ്‌ മാത്യു

മി കട്ടിക്കാരന്‍ 

പുലികുന്നന്‍ സാറിനോട് ഷിക്കാഗോ രൂപതയിലെ പാലാക്കാര്‍ അച്ചന്മാര്‍ക്കുള്ള വ്യക്തി വിരോധം എന്തെന്ന് മനസിലാകുന്നില്ല. മലയാളക്കരയുടെ ചരിത്രത്തില്‍ സഭയുടെ നവീകരണ ആശയങ്ങള്‍ പുസ്തകരൂപേണയും ഓശാന വഴിയും പ്രചരിപ്പിച്ചതു   അച്ചന്മാരെയും സഭാധികാരി കളെയും  വെരളി പിടിപ്പിച്ചിരിക്കുന്നു വെന്നു ഷിക്കാഗോ രൂപതയുടെ വെബ്‌സൈറ്റിലെ സീറോ മലബാര്‍ ഫെയിത്ത് വായിച്ചാല്‍ മനസിലാകും. അദ്ദേഹത്തിന്‍റെ കുടുംബത്തിനെയാണ് അച്ചന്മാര്‍ പരിഹസിച്ചിരിക്കുന്നത്. പുലിക്കുന്നനും മകനും തമിലുള്ള വഴക്കിനു കാരണം സഭയെ അപകീര്‍ത്തിപ്പെടുത്തുന്ന പാപത്തിന്റെ പ്രതിഫലമെന്നാണ് അച്ചന്‍മാര്‍ ഫെയിത്ത് വെബില്‍ തട്ടി വിട്ടിരിക്കുന്നത്. അപകീര്‍ത്തി എന്തെന്ന് വ്യക്തമാക്കിയിരുന്നുവെങ്കില്‍ മറുപടി എഴുതാമായിരുന്നു.

പ്രൊഫ. പുലിക്കുന്നേല്‍ 

പാലായില്‍ കഴിഞ്ഞ വര്ഷം ഒരു അച്ചന്‍ വഴിയില്‍കിടന്ന വൈദ്യുതികമ്പിയില്‍ തട്ടി മരിച്ചതായി വന്ന വാര്‍ത്തയും ആരുടെ ശാപമാണോ? രണ്ടു ഭാഗങ്ങളായി പ്രസിദ്ധീകരിച്ചിരിക്കുന്ന ലേഖനത്തില്‍ കട്ടികാരനെയാണ് വ്യക്തിപരമായി പരമാവധി പരിഹസിച്ചിരിക്കുന്നത്. പോലീസിനെ വരെ നിയന്ത്രിക്കുവാന്‍ അധികാരമുള്ള ആളാണ്‌ ഷിക്കാഗോയിലെ മെത്രാന്‍ അങ്ങാടിയത്ത് എന്നും രണ്ടാം ഭാഗത്തിലെ ലേഖനത്തില്‍ ഉണ്ട്. ഉദാഹരണമായി പള്ളിക്കെതിരെ പരാതി കൊടുത്ത ഒരു ടോം വര്‍ക്കിയെ പോലീസ് താക്കീതു കൊടുത്ത കാര്യവും സൂചിപ്പിച്ചിരിക്കുന്നു.



കാലിഫോര്‍ണിയയില്‍ ഒരു ബിഷപ്പിനെ കള്ളു കുടിച്ചു വണ്ടി ഓടിച്ചതിന് ജയിലില്‍ അടച്ച വാര്‍ത്ത ഫൈത്തുകാരുടെ വെബ്സൈറ്റില്‍ വിട്ടു പോയി. അമേരിക്കന്‍ പ്രാഥമിക നിയമങ്ങള്‍പോലും അറിഞ്ഞു കൂടാത്ത ഈ പുരോഹിതര്‍ ഇങ്ങനെയുള്ള ഫുളൂ അടിച്ചു കുഞ്ഞാടുകളെ കൈക്കലാക്കുന്നു. സ്ത്രീകളുടെ കൈപ്പത്തികളില്‍ ഇരിക്കുന്ന പാവം ഭര്‍ത്താക്കന്മാരായ കുഞ്ഞാടുകള്‍ ഈ അച്ചന്മാര്‍ പറയുന്നതു വേദവാക്യമായി കരുതുന്നു.

കട്ടിക്കാരന്‍ വീട്ടുപേരും ഫോട്ടോയും വെച്ച് ലേഖനങ്ങള്‍ എഴുതിയാല്‍ അദ്ദേഹത്തിന്‍റെ കുടുംബത്തിനു കളങ്കം ഉണ്ടാകുമെന്ന് മുതല കണ്ണുനീരും പൊഴിക്കുന്നുണ്ട്‌. കട്ടിക്കാരന്മാരായ അച്ചന്മാര്‍ ഉണ്ടെങ്കില്‍ ആ കുടുംബത്തിനും ദോഷ പേരാകുമെന്നാണ് മറ്റൊരു ഉപദേശം. കട്ടിക്കാരന്‍ വീടുകളിലെ പിള്ളേര്‍ക്കും വിവാഹ ആലോചനകള്‍ വരുമ്പോഴും വീട്ടുപേരിനെ പഴി പറയുമെന്നോക്കെ ഫെയിത്തിലെ വിദ്വാന്‍ അച്ചന്‍ കട്ടിക്കാരനെ ഉപദേശിച്ചിട്ടുണ്ട്.

മറിയക്കുട്ടിയെ കൊന്ന ബെനഡിക്റ്റ് ഓണംകുളത്തച്ചന്‍ പുണ്യാളന്‍ ആകുമ്പോള്‍ തൊഴാന്‍ ആദ്യം ഓടുന്നത് ഈ അച്ചന്മാര്‍തന്നെ ആയിരിക്കും. അഭയാ കേസിലെ പ്രതികള്‍ പുതുക്കയുടെയും കൊട്ടൂരിന്റെയും വീട്ടുപേരുകള്‍ കേരളസഭാ ചരിത്രത്തില്‍ തങ്കലിപികളാല്‍ തന്നെ എഴുതിയിട്ടും ഉണ്ട്.

വികാരിയച്ചനെയും പിതാവെന്നു വിളിക്കുമെന്ന് ഫെയിത്തില്‍ നിന്നുമാണ് മനസിലാക്കിയത്. മണ്ടത്തരങ്ങള്‍ എഴുതുന്ന ഇവര്‍ക്ക് ഭൂമിയില്‍ പിതാവില്ലെന്നുള്ള ബൈബിള്‍ വാക്യമെങ്കിലും ഒന്ന് തുറന്നു വായിക്കരുതോ? പട്ടം കിട്ടണമെങ്കില്‍ പതിനൊന്നു കൊല്ലം പഠിക്കണമെന്നും ലേഖനത്തില്‍ ഉണ്ട്. ഇത്രയും കാലം തീയോളാജി പഠിച്ചുവെന്നു അവകാശപ്പെടുന്നവര്‍ പിതാവ് വിളിദൈവശാസ്ത്രത്തിന് എതിരെന്ന് മനസിലാക്കിയിട്ടില്ല.

കട്ടിക്കാരന്‍, പുരോഹിതരുടെ ചോദ്യങ്ങള്‍ക്ക് സാധാരണ മറുപടി കൊടുക്കുകയില്ലെന്നും എഴുതിയിരിക്കുന്നു. വിഡ്ഢികളായ അച്ചന്മാര്‍ വിവരവും വിദ്യാഭ്യാസവും ജേര്‍ണലിസ്റ്റും ആയ കട്ടിക്കാരന്റെ നിശബ്ദ മറുപടിയില്‍ അത്രുപ്തരുമാണ്.

അച്ചന്മാരും മെത്രാന്മാരും മോശമെങ്കില്‍ സ്വന്തം കുടുംബത്തില്‍ നിന്നും അച്ചന്മാരെയും മെത്രാനെയും സൃഷ്ടിക്കുവാനും ഫെയിത്ത് ഉപദേശിക്കുന്നുണ്ട്. പതിനൊന്നുകൊല്ലം പട്ടത്തിനുവേണ്ടി പഠിച്ചു കിട്ടിയ വിവരങ്ങളാണ് ഇവര്‍ ഈ ലേഖനത്തില്‍കൂടി പ്രകടിപ്പിച്ചിരിക്കുന്നത്. പട്ടരില്‍ പൊട്ടര്‍ ഇല്ലെങ്കിലും പട്ടക്കാരില്‍ പൊട്ടര്‍ മാത്രമേയുള്ളൂവെന്നും അച്ചന്മാര്‍ തെളിയിക്കുന്നു.

കര്‍ത്താവിന്റെ പ്രതിപുരുഷന്മാരെ വിമര്‍ശിച്ചാല്‍ അപകടംഎന്ന് പുലിക്കുന്നനെ ഉപദേശിക്കുന്ന അച്ചന്മാര്‍ ക്രിസ്തുവില്ലാത്ത പള്ളിയില്‍ സ്വയം ചതിക്കപ്പെടുന്ന കാര്യം ചിന്തിക്കാറുണ്ടോ? കട്ടിക്കാരനെയും പുലിക്കുന്നെനെയും വെറുതെ വിട്ടു നിങ്ങളുടെ മരപ്പാവയായ മെത്രാനെ ഭരിക്കുന്ന ചാന്സലര്മാര്‍ അച്ചന്മാര്‍ക്കിട്ടു മൂക്ക് കയറിടൂ? തോമ്മാശ്ലീഹായുടെ മകളുടെ മുലപ്പാലു കുടിച്ചവരെന്നു പറഞ്ഞു നടക്കുന്ന അച്ചന്മാരുടെ വീമ്പടിയും കുറയട്ടെ.