വൈകി വന്ന കുറ്റബോധം

-ജോസ് അട്ടാറ 

ഗാര്‍ലാന്ഡ് വികാരി ശവപ്പെട്ടി ജോജിക്ക് കുറ്റബോധം. തനിക്കു തെറ്റ് പറ്റിയിട്ടുണ്ടെന്ന് അദ്ദേഹം കഴിഞ്ഞ ദിവസം ദിവ്യബലിസമയം ജനങ്ങളോട് സമ്മതിച്ചു. എന്നാല്‍ അതെല്ലാം മറക്കണമെന്നും, എല്ലാം മറന്നു ഒരുമയോടെയും സ്നേഹത്തോടെയും നമ്മള്‍  മുമ്പോട്ട്‌ പോകണ മെന്നു അദ്ദേഹം വിശ്വാസികളോട് ആഹ്വാനം ചെയ്തു. തന്റെ കല്‍ദായവല്‍ക്കരണ ഭ്രാന്തില്‍ മനം മടുത്ത് ഇടവക വിട്ടുപോയവര്‍ തിരിച്ചു വരണമെന്നും അദ്ദേഹം ജനങ്ങളോട് ആവശ്യപ്പെട്ടു.

എന്താണാവോ ഇപ്പോള്‍ ജോജിക്ക് ഇങ്ങനെ ഒരു കുറ്റബോധം? തെറ്റ് പറ്റിയിട്ടുണ്ടെന്ന് തോന്നുന്നുണ്ടെങ്കില്‍ അത് തിരുത്തുകയല്ലെ ആദ്യം ചെയ്യേണ്ടത്. ഇത് പണ്ട് ബിഷപ്പ് അങ്ങാടിയത്ത് കൊപ്പെളില്‍ പറഞ്ഞ പോലെ തന്നെയാണ്. അന്ന് അദ്ദേഹവും ഇത് തന്നെ പറഞ്ഞു: എനിക്ക് കൊപ്പെളില്‍ തെറ്റ് പറ്റി. ക്ഷമിക്കണം. ഇനി ഒരു പള്ളിയിലും ഞാന്‍ ക്ലാവര്‍ കുരിശു വയ്ക്കുവാന്‍ നിര്‍ബന്ധം ചെലുത്തുകയില്ല. എന്നിട്ടെന്തായി? കുന്തമായി. അത്രതന്നെ.

ജോജിക്കുട്ടന്റെ ഈ നല്ലപിള്ള ചമയലിനു പിന്നില്‍ എന്തോ കാര്യം ഉണ്ടെന്നു പിന്നെ പറയാനുണ്ടോ? മറ്റൊന്നുമല്ല. ഒരു മെത്രാന്‍ തൊപ്പി. 

വേത്താനവും, ജോജിയും ക്നാനായ പക്ഷത്തു നിന്നും മുത്തോലവും മെത്രാന്‍ സ്ഥാനത്തിനുള്ള ഷോര്‍ട്ട് ലിസ്റ്റില്‍ ഉള്‍പ്പെട്ടിട്ടുണ്ടെന്ന് പരക്കെ വാര്‍ത്തയുണ്ട്. അങ്ങനെ അവര്‍ മെത്രാന്‍ മാര്‍ ആകുകയാണെങ്കില്‍ അത് നമ്മുടെ ബിഷപ്പുമാര്‍ കുതിരക്കച്ചവടം നടത്തിയോ കുതികാല്‍ വെട്ടിയോ ആയിരിക്കില്ല. അത് ദൈവത്തിന്റെ മാത്രം പദ്ധതി അനുസരിച്ചായിരിക്കും. സാക്ഷാല്‍ പരിശുദ്ധാത്മാവിന്റെ പ്രവര്‍ത്തനം കൊണ്ട്. സഭാ പിതാക്കന്മാര്‍ ചെയ്യുന്ന എല്ലാ വിഡ്ഢിത്തരങ്ങള്‍ക്കും പാവം പരിശുദ്ധാത്മാവാണല്ലോ ഉത്തരവാദി. കഴകത്തില്ലാത്ത അങ്ങാടിയത്തിന്റെ നമുക്ക് ബിഷപ്പായി കിട്ടിയതിനും കഴമ്പില്ലാത്ത ആലഞ്ചെരിയെ സീറോ മലബാര്‍ സഭയുടെ തലവനായി കിട്ടിയതിനും ഉത്തരവാദി അദ്ദേഹമാണല്ലോ. എന്തിനേറെ, കന്ന്യാമറിയാം പുരുഷനെ അറിയാതെ ഗര്‍ഭിണിയായതിന്റെ ഉത്തരവാദിത്വവും ഈ പാവം പരിശുദ്ധാത്മാവിന്റെ പിടലിയിലാണ്. 

ഇതേ പരിശുദ്ധാത്മാവിന്റെ വികൃതികൊണ്ട് ജോജിക്കുട്ടനും ബിഷപ്പാകാന്‍ പാടില്ലായ്കയില്ല. പക്ഷെ അതിനു വലിയൊരു വില കൊടുക്കുവാന്‍ പോകുന്നത് അമേരിക്കന്‍ സീറോ മലബാര്‍ വിശ്വാസികളാണ്. നമ്മുടെ ഈ സഭയെ അമേരിക്കയില്‍ ഇത്ര തവിട്  പൊടിയാക്കുന്നതില്‍ അങ്ങാടിയത്തിന്റെ വലം കയ്യായി പ്രവര്‍ത്തിച്ചത് ഈ മ്ലേച്ചനല്ലാതെ മറ്റാരുമല്ല. ഒരു പള്ളി പണി തീര്‍ത്തപ്പോഴേക്കും കൊപ്പേല്‍ സമൂഹത്തെ അദ്ദേഹം തല്ലിപ്പിരിപ്പിച്ചു. പാരിഷ് കൌണ്‍സിലിന്റെ തീരുമാനങ്ങളെ കാറ്റില്‍ പറത്തി തോന്ന്യാസങ്ങള്‍ തന്നെയാണ് അദ്ദേഹം അവിടെ നടപ്പാക്കി ക്കൊണ്ടിരിക്കുനത്. ജനക്ഷേമം ബലികഴിച്ചു തന്റെ ഇഷ്ട തോഴിമാരെ സുപ്രധാന സ്ഥാനങ്ങളില്‍ അവരോധിക്കുക എന്നതും അദ്ദേഹത്തിന്‍റെ ഒരു ബലഹീനതയാണ്.

നാട്ടില്‍ നിന്നും വൈദീകര്‍ അമേരിക്കയിലേക്കും യൂറോപ്പിലേക്കും മനുഷ്യക്കടത്ത് നടത്തുന്നതായി ഈയിടെ പത്രങ്ങളില്‍ വാര്‍ത്ത വന്നിരുന്നുവല്ലോ. അവരെ മനുഷ്യ ക്കടത്തു നടത്താന്‍ പഠിപ്പിച്ചത് നമ്മുടെ ബിഷപ്പാണെന്ന് ഞങ്ങള്‍ പറയും. രൂപതയുടെ പേരില്‍ എത്ര അച്ചന്മാരെയും കന്ന്യാസ്ത്രീമാരെയും ആണ് അങ്ങാടിയത്ത് അമേരിക്കയിലേക്ക് ഇറക്കുമതി ചെയ്തിരിക്കുന്നത് എന്ന് ദൈവത്തിനു മാത്രം അറിയാം. ക്നാനായ പള്ളിയിലേക്ക് രൂപത സ്പോന്‍സര്‍ ചെയ്തു കൊണ്ടുവന്ന മൂന്നു കന്യാസ്ത്രീമാരില്‍ കെട്ടുപ്രായം കഴിയാത്ത രണ്ടുപേര്‍ വന്ന പാടെ ചാടി. ബിഷപ്‌ സ്പോന്‍സര്‍ ചെയ്തു കൊണ്ടുവന്ന നഴ്സ് മാരായ മൂന്നു പൈങ്കിളി കന്യാസ്ത്രീമാര്‍ ഇപ്പോള്‍  കത്തീഡ്രല്‍ പള്ളിയില്‍ ഹാജരുണ്ട്. പറ്റിയ ആരെയെങ്കിലും കണ്ടുമുട്ടിയാല്‍ അവരുടെ കഴുത്തില്‍ തൂങ്ങാന്‍ അവരാരും അമാന്തം കാണിക്കും എന്ന്  തോന്നുന്നില്ല. 

ഇതൊക്കെ ഇപ്പോള്‍ പറയാന്‍ കാരണം നമ്മുടെ ജോജിക്കുട്ടന്‍ തന്നെയാണ്. അദ്ദേഹത്തിന്‍റെ ചിക്കാഗോയിലുള്ള സഹോദരി നല്ല ഡോളര്‍ ബിഷപ്പിന് എണ്ണിക്കൊടുത്തിട്ടാണ് അദ്ദേഹത്തിനു ഇങ്ങോട്ടുള്ള വിസ തരപ്പെടുത്തിയെടുത്തത്. നമ്മുടെ ഞരമ്പ് രോഗി സക്കറിയ തൊട്ടുവേലിയുടെ കഥയും ഇത് തന്നെ. സഖറിയയെ അങ്ങനെ തന്റെ സഹോദരി രക്ഷപെടുത്തിയില്ലായിരുന്നെങ്കില്‍ പാലായിലെ ജനങ്ങള്‍ പണ്ടേ അദ്ദേഹത്തെ പട്ടിയെപ്പോലെ തല്ലിക്കൊന്നെനെ. 

വേത്താനം ജോജി തുടങ്ങിയവരെ മെത്രാനാക്കിയാല്‍ അമേരിക്കന്‍ സീറോ മലബാര്‍ സഭയുടെ കാര്യം ഗോപി എന്ന് പറഞ്ഞാല്‍ മതി. നമ്മുടെ സഭാ മേലധികാരികള്‍ അനുഭവത്തില്‍ നിന്നും പഠിക്കാന്‍ കൂട്ടാക്കുന്നവരല്ല. അമേരിക്കന്‍ സീറോ മലബാര്‍ സഭയെ കുട്ടിച്ചോറാക്കിയെ അവര്‍ അടങ്ങൂ. സഭ നശിച്ചാലും ക്ലാവര്‍ കൃഷി ചെയ്യണം എന്നെ അവര്‍ക്കുള്ളൂ.