നമ്മുടെ പ്രതികരണശേഷിക്കെന്ത് പറ്റി?

ശ്ശെടാ! ഇത് വളരെ വിചിത്രം തന്നെ.

ജീവന്‍ പണയം വച്ച് രണ്ടു മൂന്ന് ഫോട്ടോകള്‍ എടുത്ത് പബ്ലിഷ് ചെയ്തിരുന്നു. നമ്മുടെ പാര്‍ക്കിംഗ് ലോട്ടില്‍ കാറുകള്‍  കസേര ചുറ്റിക്കളി നടത്തുന്നതിന്റെ ഫോട്ടോകള്‍ . പാര്‍ക്ക്‌ ചെയ്യാന്‍ തക്കം നോക്കി SUV കള്‍  പള്ളിപ്പരിസരം  മുഴുവന്‍ റോന്തു ചുറ്റുന്ന മനോഹര കാഴ്ച.
 എന്നിട്ടെന്ത് ഫലം? പേരിന് പോലും ഒരു കമ്മെന്റ് പോലുമില്ല!
 
കയ്യിലിരുന്ന ഡോളര്‍ 10 മില്ല്യന്‍ എണ്ണിക്കൊടുത്തു പണിത പള്ളിയാണ്. പക്ഷെ പറഞ്ഞിട്ടെന്തു കാര്യം? ഭാര്യ യേയും പിള്ളേരെയും വഴിയോരത്തിറക്കി വിട്ടിട്ട്  വണ്ടി തെരുവില്‍ പാര്‍ക്ക്‌ ചെയ്തു കറമ്പന്‍ പോലീസിന്റെ ടിക്കറ്റ്‌ മേടിച്ചു കെട്ടേണ്ട ഗതികേടാണ് പലര്‍ക്കും. പള്ളിപ്പരിസരത്ത് ചുറ്റും കൂടി നിന്ന് ചില മാന്യന്മാര്‍ വീമ്പിളക്കുന്ന കണ്ടാല്‍  തോന്നും ഇന്ന് അച്ഛനെ ഘെരാവോ ചെയ്യുമെന്ന്. എന്താ രോഷ പ്രകടനം! പക്ഷെ വെള്ളയുടുപ്പ്, വേണ്ട വല്ല പെണ്ണുങ്ങളുടെയും ഒരു വെള്ള സാരിയുടെ തുമ്പു കണ്ടാല്‍ മതി ഈ വീരന്മാരുടെ വാല് ചുരുങ്ങും. സായിപ്പിനെ കാണുമ്പോള്‍ കവാത്ത് മറക്കും എന്ന് പറഞ്ഞ പോലെ.

ഞങ്ങള്‍ ഈ ഫോട്ടോകള്‍ ഇട്ടിട്ട് ഗുണമായിട്ടോ ദോഷമായിട്ടോ ആര്‍ക്കെങ്കിലും എന്തെങ്കിലും  പറയാനുണ്ടോ? Comment ഉണ്ടോ? ഇല്ലാ. കാരണം ചോദിച്ചാല്‍  മറ്റൊന്നുമല്ല, വൈദീകരോടും മെത്രാനോടുമുള്ള ബഹുമാനം. സഭയോടുള്ള സ്നേഹം. പുരോഹിതരോടും  മെത്രാനോടും കളിച്ചാല്‍  ശാപം കിട്ടും എന്ന ഭയം.

പക്ഷെ സത്യമോ?   ഭീരുത്വം. വെറും പ്രതികരണ ശേഷിയില്ലായ്മ. അത്ര തന്നെ.