"ഈ നില്‍ക്കുന്ന ഞാനും ഈ ഇരിക്കുന്ന നിങ്ങളും അമേരിക്കയില്‍ വന്നതിന്റെ ഒരു പ്രധാന ഉദ്ദേശം നമ്മുടെ സാമ്പത്തിക ഉന്നമനമാണ്" - ഫാ. കടുപ്പില്‍

ഇന്ന് ചിക്കാഗോയില്‍ 11 മണി കുര്‍ബാനക്ക് മുഖ്യകാര്‍മികന്‍ നമ്മുടെ ചാന്‍സലര്‍ ഫാ. കടുപ്പില്‍ ആയിരുന്നു. അദ്ദേഹത്തിന്റെ വാക്ധോരണിയെ പറ്റി പ്രത്യേകം എടുത്തു പറയേണ്ടല്ലോ.
എരുമ മൂത്രം ഒഴിക്കുന്ന പോലെയല്ലേ അദ്ദേഹത്തിന്റെ വായില്‍ നിന്നും വാചകങ്ങള്‍ വീഴുന്നത്! ഏതായാലും ഈ വിദ്വാന്‍ ഇന്നത്തെ തന്റെ പ്രസംഗത്തില്‍ അറിഞ്ഞോ അറിയാതെയോ ഒരു സത്യം തട്ടിവിട്ടു: "ഈ നില്‍ക്കുന്ന ഞാനും ഈ ഇരിക്കുന്ന നിങ്ങളും അമേരിക്കയില്‍ വന്നതിന്റെ ഒരു പ്രധാന ഉദ്ദേശം നമ്മുടെ സാമ്പത്തിക ഉന്നമനമാണ്. ഭേതപ്പെട്ടതും സുഖകരവുമായ  ഒരു ജീവിതം നമുക്കും നമ്മുടെ കുഞ്ഞുങ്ങള്‍ക്കും ഉണ്ടാകണം എന്ന ഉദ്ദേശത്തോടെയാണ് നാമെല്ലാവരും തന്നെ ഇവിടെ വന്നിരിക്കുന്നത്. അങ്ങനെ അല്ല എന്ന് നിങ്ങളില്‍ ആരെങ്കിലും പറഞ്ഞാല്‍ അത് വെറും നുണ മാത്രമായിരിക്കും."  

We rest our case......

ചിക്കാഗോയിലെ കുടുംബനവീകരണ ധ്യാനത്തിന്റെ തിരശ്ശീല ഇന്നലെ വീണു. ശാലോമിന്റെ ധ്യാനം കഴിഞ്ഞിട്ട് രണ്ടാഴ്ച്ചയെ ആയിരുന്നുള്ളൂ. അതിന് കാര്യമായ നവീകരണം ഡോളര്‍ രൂപത്തില്‍ തടഞ്ഞില്ല. അങ്ങനെ അച്ഛന്‍ വട്ടു പിടിച്ച് നടക്കുമ്പോളാണ് കുടുംബനവീകരണവുമായി വട്ടായിലച്ചന്‍ വരുന്നത്.  എന്തായിരുന്നു പബ്ലിസിറ്റി! പന്തക്കുസ്ഥാകള്‍ പ്രധാനമായും വായിക്കുന്ന കേരള എക്സ്പ്രസ്സില്‍ പോലും ഫുള്‍ പേജ് പരസ്യമായിരുന്നു. അതൊരു നല്ല നീക്കമായിരുന്നു എന്ന് സമ്മതിക്കാതെ വയ്യ. കുടുംബ നവീകരണം എന്ന് കേട്ടാല്‍ പന്തക്കുസ്താ സഹോദരന്മാരും സഹോദരികളും ഇടിച്ചു കയറും എന്ന് അച്ഛനറിയാം.

അവസാന ദിവസമായ ഇന്നലെ എന്തായിരുന്നു മേളം? ഹല്ലെലുയ്യാക്കും  praise the lord നും ഇടയില്‍ ഉദാരമായി നേര്ച്ചക്കാഴ്ച യാചിച്ചുകൊണ്ടുള്ള ആന്റണിയച്ഛന്റെ അരമുക്കാല്‍ മണിക്കൂര്‍ നീടുനിന്ന കുടുംബ നശീകരണ പ്രസംഗം കേള്‍ക്കേണ്ടത് തന്നെയായിരുന്നു. 20 ,000 ഡോളര്‍ അത്യാവശ്യമായി സമാഹരിക്കണമെന്നു ദൈവം ഇന്നലെ രാത്രി അച്ഛനോട് നേരിട്ട് അഭ്യര്‍ഥിച്ചു എന്ന് തോന്നുന്നു. ഏതായാലും ജനങ്ങള്‍ ഉദാരമായി തന്നെ പൈസ ഇട്ടു എന്നാണ് ഇത്തമ്മ പറഞ്ഞത്. ഇന്ന് കാലത്ത് പള്ളിയില്‍ കണ്ട ജനങ്ങള്‍ക്ക്‌ വലിയ നവീകരണ മൊന്നും സംഭവിച്ചതായി ഈ ലേഖകന് തോന്നിയില്ല. മിക്കവാറും പുരുഷന്മാരെ കള്ളിന്റെ മണം. പരദൂഷണം പരക്കെ.

ഇന്നലെ ധ്യാനമോക്കെ കൂടിക്കഴിഞ്ഞു വാഴമൂട്ടിലെ മാത്തച്ചന്‍ വൈകീട്ട് പതിവ് പോലെ ശരിക്കും ആഘോഷിച്ചു. ആ പാവം റീത്താമ്മയെ അതിയാന്‍ വീണ്ടും എടുത്തിട്ടു ചതച്ചു എന്ന് ലീലാമ്മയോട്‌ ഏലമ്മ പറയുന്നത് പാത്തുനിന്നു കേട്ടെന്നു ശാന്തമ്മ ഇത്തമ്മയോട് പറഞ്ഞു.

ഇതിനിടക്ക്‌ കോപ്പെലിലെ വികാരി ഫാ. വര്‍ഗീസിനും ഭ്രമം കയറിയിരിക്കുന്നു. പള്ളിവാങ്ങാനായി പല വ്യക്തികളും താല്‍ക്കാലികമായി പള്ളിക്ക് വായ്പ കൊടുത്തിരുന്ന പൈസ തിരിച്ച് ചോദിക്കുന്നവര്‍ക്ക്, ഹാ, കഷ്ടം. അവര്‍ക്ക് ശാപമുണ്ടാകും. സംഭാവനയാകട്ടെ, വായ്പയാകട്ടെ ഒരിക്കല്‍ പള്ളിക്ക് കൊടുത്ത പണം തിരിച്ച് വാങ്ങിയാല്‍ ഗതിയുണ്ടാകില്ല. പ്രത്യുത അവര്‍ക്ക് ദൈവശാപം കൈമുതലായി കിട്ടും.

പിന്നെ ഇന്നത്തെ സുവിശേഷം നിങ്ങള്‍ ശ്രദ്ധിച്ചു ശ്രവിച്ചു എന്ന് വിശ്വസിക്കുന്നു. ഉള്ളടക്കം: നിങ്ങള്‍ എത്രമാത്രം  ധനവും സമ്പത്തും സ്വരൂപിച്ചു വച്ച്‌, ഭാവിയില്‍ സുഖിച്ചു ജീവിക്കാമെന്ന് സ്വപ്നം കണ്ടാലും  ഇന്ന് രാത്രി നിന്റെ ആത്മാവിനെ ഞാന്‍ തിരിച്ച് വിളിക്കില്ലെന്നു എന്താണ് നിനക്ക് ഉറപ്പ്?

എന്റെ കര്‍ത്താവേ! ഓര്‍ക്കുമ്പോള്‍ പേടിയാകുന്നു. ഈ നമ്മുടെ അച്ചന്മാരും മെത്രാനും ഒക്കെ എങ്ങനാ ഈശോയെ രാത്രി പോത്തുകളെപ്പോലെ കൂര്‍ക്കം വലിച്ചു സമാധാനമായി കിടന്നുറങ്ങുന്നത്.  ആര്‍ക്കറിയാം. ഒരുപക്ഷെ അതിനും സെമിനാരിയില്‍ പരിശീലനം ഉണ്ടാകാം.