ഞങ്ങളുടെ ട്രേഡ് സീക്രട്ട്

വര്‍ഗീസച്ചന്‍ വാ തുറന്നിട്ട്‌ അടക്കുന്നതിനു  മുമ്പ് അദ്ദേഹം പറഞ്ഞ കാര്യങ്ങള്‍ അതെ പടി എങ്ങനെ വോയ്സില്‍ വരുന്നു? വേറെ പണിയൊന്നുമില്ലാത്ത ചില മണ്ടന്മാര്‍ അത്ഭുതപ്പെടുകയാണ്.

അത്‌ ഞങ്ങളുടെ ട്രേഡ് സീക്രട്ട്.  പക്ഷെ ഒരു കാര്യം പറയാം. വര്‍ഗീസച്ചന്‍ പരസ്യ പ്രസ്താവനകള്‍ നടത്തുന്നതിനു മുമ്പേ അദ്ദേഹം പറയാന്‍ പോകുന്നത് എന്താണെന്ന് ഞങ്ങള്‍ക്കറിയാം. മൂന്നാം കൂലി നേതാക്കന്മാരുടെ ഭാര്യമാര്‍ ഫ്രിഡ്ജില്‍ ഒരാഴച്ചയിരുന്നു ഫ്രീസായ കോഴിയിറച്ചി മൈക്രോ വേവില്‍ വച്ചു ചൂടാക്കി, "ഇത്തിരികൂടി കഴിക്കച്ചാ, നല്ല ഫ്രഷ്‌ കോഴിയാ. റെജി ഇന്ന്, ദേ, ഇപ്പൊ തല്ലിക്കൊന്ന് പപ്പു പറിച്ചു  വെട്ടിത്തന്ന കോഴിയാ. അച്ഛന് കാലാണോ  ബ്രെസ്റ്റ് ആണോ കൂടുതല്‍ ഇഷ്ടം?" എന്നും പറഞ്ഞു വര്‍ഗീസച്ചന്റെ പാത്രത്തിലേക്ക് കുടഞ്ഞു കുടഞ്ഞിടുമ്പോള്‍ കൂടെ ഓതി കൊടുക്കുന്നത് എന്താണെന്ന് അപ്പപ്പോള്‍ തന്നെ ഞങ്ങളുടെ ചെവിയില്‍ എത്തുന്നുണ്ട്. ബെഡ് റൂം രഹസ്യം ഞങ്ങള്‍ വെളിപ്പെടുത്താറില്ല.  നമ്മുടെ സഭയെ ബാധിക്കുന്ന സംഗതികളെ ഞങ്ങള്‍ വോയ്സില്‍ എഴുതാറുള്ളൂ എന്ന് മാത്രം.

നിങ്ങളുടെ പെണ്ണുങ്ങള്‍ക്ക്‌ ആശുപത്രീലും പോസ്റ്റാപ്പീസിലും ജോലിക്ക് പോയാല്‍ മുഴുവന്‍ സമയം പണി എന്താണെന്നാണ് നിങ്ങളുടെ വിചാരം? നിങ്ങള് കള്ളു കുടിച്ചു വിളിച്ചു പറയുന്നതിന്റെ ബാക്കിയുള്ളത് അവര് ഫോണില്‍ക്കൂടി ശരിക്ക്  ചോര്‍ത്തിത്തരുന്നുണ്ട്. . ഞങ്ങള്‍ക്ക് ഞങ്ങളുടേതായ വൃത്തങ്ങളുണ്ട്. ഈ വൃത്തങ്ങള്‍ ന്യൂസ്‌ അല്ലാതെ മറ്റെന്തെങ്കിലും അവരില്‍ നിന്നും ചോര്‍ത്തുന്നുണ്ടോ എന്ന് ഞങ്ങള്‍ക്കറിയില്ല. 

കോപ്പെലില്‍ എന്നല്ല, മെത്രാന്റെ ആസന മന്ദിരത്തിലും ഞങ്ങള്‍ക്ക് വേണ്ടി ന്യൂസ്‌ പിടിക്കുന്ന പെരുച്ചാഴികള്‍ ഒളിച്ചിരിപ്പുണ്ട്.  സമയാസമയം, വള്ളി പുള്ളി വ്യത്യാസമില്ലാതെ, അവര്‍ ഞങ്ങള്‍ക്ക് വാര്‍ത്തകള്‍ എത്തിച്ചു തരികയും ചെയ്യും. അത്‌ വായിച്ചു  വട്ട് പിടിച്ചു വെറുതെയിരിക്കുന്ന നിരപരാധികളുടെ പുറത്തു കഴുകയറാതിരുന്നാട്ടെ. .