പുതിയ ചാന്‍സലര്‍ ആയി വീണ്ടും ഒരു പാലാക്കാരന്‍

Fr Sebastian Venthanath

കേരളത്തിലെ വടക്കന്‍ രൂപതകളില്‍ നിന്നുമുള്ള ചിക്കാഗോ രൂപതാ വിശ്വാസികളോട് രൂപതാ ബിഷപ്‌ മാര്‍ അങ്ങാടിയത്ത് കാണിക്കുന്ന  രണ്ടാനമ്മനയം തുടര്‍ന്ന് കൊണ്ട് വീണ്ടും പാലാ രൂപതയില്‍ നിന്നുള്ള ഒരു വൈദികനെ അദ്ദേഹം രൂപതയുടെ പുതിയ ചാന്‍സലര്‍ ആയി നിയമിച്ചിരിക്കുന്നു. മുന്‍ ചാന്‍സലര്‍ ഫാ കടുപ്പന്‍റെയും കുപ്രസിദ്ധ ചിത്രകാരന്‍ കൊരോത്തിന്‍റെയും ഉറ്റമിത്രവും സഹാപാടിയുമായ ഫാ സെബാസ്റ്റ്യന്‍ വെന്താനത് ആണ് പുതിയ ചാന്‍സലര്‍. 

ഫാ കടുപ്പന്‍റെ ഒത്താശയോടെയല്ല ഈ നിയമനം നടന്നിട്ടുള്ളത് എന്ന് ഞങ്ങള്‍ വിശ്വസിക്കുന്നില്ല. അങ്ങ് കേരളത്തില്‍ ഇരുന്നു കൊണ്ട് ചിക്കാഗോ രൂപതയ്ക്ക് പാരപണിയലാണ് കടുപ്പന്‍റെ  ഇപ്പോഴത്തെ മുഴുവന്‍സമയ പണി. തന്‍റെ ദോസ്തിനെ ചാന്‍സലര്‍ ആക്കി നിയമിച്ചു, ഗാര്‍ലാണ്ടിലെ ഫാ ജോജിയും ആയി ഒത്തുകൂടി  തന്‍റെ ബദ്ധശത്രു ഫാ ആന്റണിയോട് പകരം വീട്ടാനും രൂപതയില്‍ ഉള്ള സമാധാനം കൂടി നശിപ്പിക്കാനും അദ്ദേഹത്തിനു കഴിയും. 

കടുപ്പന്‍റെ പാത പിന്തുടരുന്ന കടുത്ത ഒരു കല്‍ദായ വാദിയും, ക്ലാവര്‍ കുരിശു വക്താവുമാണ് നിയുക്ത ചാന്‍സലര്‍. കഴിഞ്ഞ ഈസ്റ്ററിനു ഗാര്‍ലാന്‍ഡില്‍ പ്രത്യക്ഷപ്പെട്ട ഈ വിദ്വാന്‍ അവിടുത്തുകാര്‍ക്ക് ക്ലാവര്‍ കുരിശിന്റെ ആല്ഫാ ബെറ്റ് പറഞ്ഞു കൊടുക്കുവാന്‍ ശ്രമിച്ചു എന്നൊരു ശ്രുതി കേള്‍ക്കുന്നുണ്ട്.  അന്ന് മുങ്ങിയ അദ്ദേഹം ഇപ്പോഴാണ് പൊങ്ങിയിരിക്കുന്നത്.

ചങ്ങനാശ്ശേരി/പാല വിട്ടു കേരളത്തിന്റെ വടക്ക് ഭാഗങ്ങളില്‍ കത്തോലിക്കരോ, കത്തോലിക്കാ പുരോഹിതരോ ഇല്ല എന്നുള്ള രീതിയില്‍ രൂപതയില്‍ നിയമനങ്ങള്‍ നടത്തുന്ന മാര്‍ അങ്ങാടിയത്ത് തന്‍റെ രൂപതയില്‍പ്പെട്ട ഒരു ബഹുഭൂരിപക്ഷത്തെ അവഗണിക്കുന്നതിനോടൊപ്പം അവരെ അവഹേളിക്കുകയും കൂടി ചെയ്യുകയാണ്. ചിക്കാഗോ രൂപതയുടെ നയങ്ങളില്‍ ഒരു സന്തുലനം വരേണ്ടത് അത്യാവശ്യമാണ്. നേതൃ സ്ഥാനങ്ങളില്‍ വടക്കന്‍ രൂപതകളില്‍ നുന്നുള്ള പുരോഹിതര്‍ക്കും നിയമനം കിട്ടിയാലേ ഈ സന്തുലനം കൈവരുകയുള്ളൂ. അല്ലാത്ത പക്ഷം ഒരു നല്ല ശതമാനം വിശ്വാസികളുടെ വികാരങ്ങളെ വൃണപ്പെടുത്തിക്കൊണ്ടുള്ള  കല്‍ദായവാദ പിന്നോക്ക നയങ്ങള്‍ മാര്‍ അങ്ങാടിയത്ത് അനുസ്യൂതം തുടര്‍ന്ന് കൊണ്ടേയിരിക്കും.