കോപ്പെലില്‍ ബിഷപ്പ് അങ്ങാടിയത്തിനെ വരവേല്‍ക്കാന്‍ ലോക്കല്‍ പോലീസ്

കുട്ടികളുടെ ദിവ്യകാരുന്ന്യ സ്വീകരണം പ്രമാണിച്ച് കോപ്പെലില്‍ സന്നിഹിതനായിരിക്കുന്ന ബിഷപ്‌ അങ്ങാടിയത്ത് സ്വയസംരക്ഷണത്തിനായി എന്ന് പറയപ്പെടുന്നു, ലോക്കല്‍ പെലീസിന്റെ സഹായം തേടിയിരിക്കുന്നതായി അറിവുകിട്ടിയിരിക്കുന്നു. അധികാരികള്‍ ആവശ്യപ്പെട്ടതനുസരിച്ച് വലിയൊരു പോലീസ് സംഘം പള്ളിപ്പരിസരത്ത് റോന്തു ചുറ്റുന്നതിനു പുറമേ പള്ളിയുടെ അകത്തും ചുറ്റുപാടുകളിലും ആയി നിലയുറപ്പിച്ചിട്ടുണ്ട് എന്നാണു അറിവ്.

സ്വന്തം കുഞ്ഞാടുകളുടെ അരുമസന്താനങ്ങളുടെ ദിവ്യകാരുന്ന്യ സ്വീകരണത്തിനു പോലീസ് സംരക്ഷണം ആവശ്യപ്പെട്ട നമ്മുടെ സഭാധികാരികളുടെ ഈ നടപടി അവരുടെ ഭീരുത്ത്വത്തിന്റെ ഏറ്റവും വലിയൊരു തെളിവാണ്. കൊപ്പെലുകാരോട് സഭാധികാരികള്‍ നിത്യേനയെന്നോണം കാണിച്ചു കൊണ്ടിരിക്കുന്ന തെമ്മാടിത്തരത്തിനു അവര്‍ പകരം വീട്ടുമോ എന്ന ഭയമാണ് ഈ നടപടിക്കു പിന്നില്‍. തന്‍റെ സ്വന്തം വീട് എന്ന് ബിഷപ്പ് വീമ്പിളക്കുന്ന കൊപ്പേല്‍ പള്ളിയില്‍ അദ്ദേഹത്തിനു കാലെടുത്തു കുത്തണമെങ്കില്‍ പോലീസ് കാവല്‍ വേണം എന്നത് തികഞ്ഞ ഒരു വിരോധാഭാസം തന്നെ.

കഴിഞ്ഞ കുറെ ആഴ്ചകള്‍ ആയി വികാരി ഫാ ശാശ്ശേരി അദ്ദേഹത്തിന്‍റെ ഇടവകയില്‍  ഗൂണ്ടായിസത്തില്‍ക്കൂടി നടപ്പാക്കിക്കൊണ്ടിരിക്കുന്ന പല കാര്യങ്ങള്‍ കൊണ്ടും  വിശ്വാസികള്‍ പരക്കെ അസന്തുഷ്ടരും പ്രകോപിതരും ആണെങ്കിലും തങ്ങളുടെ തന്നെ കുഞ്ഞുങ്ങളുടെ ദിവ്യകാരുന്ന്യ സ്വീകരണച്ചടങ്ങ്‌  അലമ്പിക്കളയാനുള്ള ഒരു ഒരു പദ്ധതിയും അവര്‍ക്കുണ്ടായിരുന്നില്ല എന്നുള്ളതാണ് സത്യം. അത്രയ്ക്ക് വിവേകം ഇടവകക്കാര്‍ കാണിച്ചപ്പോള്‍ അധികാരികള്‍ പോലീസില്‍ അഭയം തേടിയത് അവര്‍ കാണിക്കുന്ന അനീതിയെപ്പറ്റി അവര്‍ സ്വയം ബോധാവാന്മാരായത് കൊണ്ടാണ് എന്ന് എടുത്തു പറയാതെ തരമില്ല.

ഇപ്പോള്‍ കിട്ടിയ വാര്‍ത്ത:

കുട്ടികളുടെ ആദ്യ കുര്‍ബാന സ്വീകരണത്തിനായി കോപ്പെലില്‍ എത്തിയിരിക്കുന്ന ബിഷപ്‌ മാര്‍ അങ്ങാടിയത്ത് കുഞ്ഞുങ്ങളെയും അവര്‍ ആദ്യമായി ഹൃദയത്തില്‍ സ്വീകരിക്കുവാന്‍ പോകുന്ന ഉണ്ണിയീശോയെയും അപ്പാടെ തഴഞ്ഞു,  പള്ളി രാഷ്ട്രീയം പ്രസംഗിച്ചു കൊണ്ടിരിക്കുന്നു. ഇടവകക്കാര്‍ വികാരിയെ ചോദ്യം ചെയ്യാതെ കണ്ണുമടച്ചു  അനുസരിക്കേണ്ടതിന്റെ ആവശ്യകതയെപ്പറ്റി അദ്ദേഹം ജനങ്ങളെ ബോധവല്‍ക്കരിച്ചു കൊണ്ടിരിക്കുകയാണ്. ഇന്നലെ കൈക്കാരന്മാരും ചില പാരിഷ് കൌണ്‍സില്‍ അംഗങ്ങളും ആയി നടത്തിയ ചര്‍ച്ചയില്‍ സഭയുടെ ചട്ടം അനുസരിച്ചുള്ള അല്ത്താരയും ബലിപീടവും  അല്ല കോപ്പെലിലെത് എന്നും അത് പരിഹരിക്കുവാന്‍ വികാരിയുമായി എല്ലാവരും ഒത്തു ശ്രമിക്കണമെന്നും അദ്ദേഹം ആഹ്വാനം ചെയ്തതിനു പുറമെയാണ് കുര്‍ബാനക്കിടക്കുള്ള പ്രസംഗത്തിനിടക്ക് അദ്ദേഹം ജനങ്ങള്‍ വികാരിയെ അനുസരിക്കേണ്ടാതിന്റെ ആവശ്യകതയെപ്പറ്റി പറയുന്നത്. ബിഷപ്പിന്റെ ഈ ബീ എസ് കേട്ടുകൊണ്ടിരിക്കുന്ന ജനങ്ങള്‍ ആകെ  പിസ്ട് ഓഫ്‌ ആയിക്കൊണ്ടിരിക്കുകയാണ്.

സാധാരണ ശനിയാഴ്ചകളില്‍ ആണ് എല്ലാ ഇടവകകളിലും ആദ്യ കുര്‍ബാന സ്വീകരണം നടത്താറുള്ളത്. എന്നാല്‍ കൊപ്പെളിലെ ഒരു കല്‍ദായ മാന്ന്യന്റെ മകളുടെ കല്ല്യാണം പ്രമാണിച്ച് അവിടെ അത് ഞായറാഴ്ചയിലേക്ക് മാറ്റുകയായിരുന്നു. ഏതായാലും ഇത്തവണത്തെ കൊപ്പേല്‍ സന്ദര്‍ശനത്തിനു  ബിഷപ്പിന് നല്ല കോളാണ് .  കല്‍ദായയുടെ മോളുടെ കല്ല്യാണത്തിനു  നല്ലൊരു പടി കിട്ടും. ആദ്യ  കുര്‍ബാന സ്വീകരണത്തിനു പിച്ചും പേയും പറയുന്നതിന് നല്ലൊരു തുക വേറെയും.