കൊപ്പേല്‍ കല്‍ദായ ഗൂണ്ടാകളുടെ പുതിയ പദ്ധതി

-ജോസ് അട്ടാറ

പഠിച്ച അടവുകള്‍ എല്ലാം പയറ്റിയിട്ടും
 ഫലം കാണാത്തതില്‍ നിരാശരായ ബിഷപ്പിന്റെ
കൊപ്പെളിലെ വാടക ഗൂണ്ടാകള്‍ ചില പുതിയ പദ്ധതികളുമായി ഇറങ്ങിത്തിരിച്ചിട്ടുണ്ട് എന്ന് അവരുടെ ക്യാമ്പില്‍ നിന്നുതന്നെയുള്ള ചില വൃത്തങ്ങള്‍ പറയുന്നു. അവരുടെ താളത്തിനു തുള്ളാന്‍ വിസമ്മതിച്ചാല്‍ അച്ഛനെയും ബിഷപ്പിനെയും വിശ്വാസികളെയും  ഒരേ കുഴിയില്‍ ചാടിക്കുക എന്നതാണ് അവരുടെ പുതിയ പ്ലാന്‍.

ടോം വര്‍ക്കിയെപ്പോലെ ക്രൂശിത രൂപത്തിന് വേണ്ടി നിലകൊള്ളുന്ന ഒരു കത്തോലിക്കനെ   നിര്‍ദാക്ഷിണ്യം അടിച്ചമര്‍ത്തുവാന്‍ ഈ കല്‍ദായര്‍  നടത്തിയ യത്നം ലോകമെമ്പാടും നിശിതമായ വിമര്‍ശനത്തിനു വഴിതെളിച്ചു. തന്റെ വിശ്വാസത്തിനു വേണ്ടി തന്റെടത്തോടെ നിന്നു  എന്നതാണ് ടോം വര്‍ക്കി ചെയ്ത അപരാധം. അദ്ദേഹം ക്രൂസിഫിക് കത്തോലിക്കാ ദേവാലയത്തില്‍ കൊണ്ടുവന്നു എന്ന പാതകമാണ് ചെയ്തത്. ആശയം കൊണ്ടും ആദര്‍ശം കൊണ്ടും ജയിക്കാന്‍ പറ്റാത്തിടത്ത് തിണ്ണ മിടുക്കും കയ്യൂക്കും കാണിച്ചിട്ടും അവര്‍ക്ക് ഫലം കിട്ടിയില്ല എന്നതാണ് സത്യം. "അയാത്തോള്ള" ശാശേരിയുടെ ഫത്ത്വ ലംഘിച്ചു പള്ളിയില്‍ വരുന്ന ടോം വര്‍ക്കിയെ കണ്ണ് മിഴിച്ചു നോക്കാനല്ലാതെ അവര്‍ക്ക് ഒന്നും ചെയ്യാന്‍ പറ്റുന്നില്ല.  ഗത്യന്തരമില്ലാതെ ഇപ്പോള്‍ കൊപ്പേല്‍ പോലീസിനെക്കൊണ്ട് ചുടു ചോര്‍ വാരിക്കാനുള്ള പുറപ്പാടിലാണ് അവര്‍.

കയത്തില്‍ മുങ്ങിച്ചാകും മുമ്പ് ഫാ ശാശ്ശേരി ടോം വര്‍ക്കിക്ക് കൊടുത്ത, തുണ്ട് കടലാസ്സിന് പോലും വിലയില്ലാത്ത "വിലക്ക്" പോലീസിനെക്കൊണ്ട് നടാപ്പാക്കുവാന്‍ ഉള്ള ശ്രമം അവര്‍ തുടങ്ങിക്കഴിഞ്ഞു. ടോം വര്‍ക്കി ഇനിയും പള്ളിയില്‍ വന്നാല്‍  പോലീസിനെ വിളിക്കാന്‍ കൊപ്പേല്‍ വികാരിക്ക് വേണ്ട നിര്‍ദ്ദേശം കൊടുക്കണം അന്ന് അവര്‍ ബിഷപ്‌ അങ്ങാടിയത്തിനോട് ആവശ്യപ്പെട്ടിരിക്കുകയാണ് എന്നാണു പറയപ്പെടുന്നത്‌.

ജെയിംസ്‌ ബോണ്ട്‌ മൂവിയിലെ വില്ലനെപ്പോലെ ഭൂമിക്കടിയിലെ അറയില്‍ ഒളിച്ചിരുന്നു കരുക്കള്‍ നീക്കുന്ന, ഇതുവരെ ആരും കണ്ടിട്ടില്ലാത്ത പുതിയ ചാന്‍സലര്‍ ആണ് ഇതിന്റെയൊക്കെ ചരടുകള്‍ വലിക്കുന്നത് എന്നാണു ഞങ്ങള്‍ക്കറിയാന്‍ കഴിഞ്ഞത്. പഴയ കടുപ്പന്റെ ആത്മ സുഹൃത്തായ ഇദ്ദേഹം കടുപ്പന്റെ എതിരാളികളെയൊക്കെ ഒന്നൊന്നായി നിലം പരിശാക്കുവാന്‍ ഇറങ്ങിത്തിരിച്ചിരിക്കുകയാണ്. ശാശ്ശെരിയെ നാറ്റിച്ചു ഓടിച്ചതിനും, ഫാ മേലെപ്പുറത്തിന്റെ രാജിയുടെ പിറകിലും ഈ പിശാചിന്റെ കറുത്ത കരങ്ങളാണ് എന്ന് വ്യക്തമാണ്.

കൊപ്പേല്‍ ഗൂണ്ടാകളുടെ വിളയാട്ടം വിജയിച്ചാല്‍ ഉണ്ടാകാന്‍ പോകുന്ന സെനാരിയോകള്‍ പലതാണ്. ടോമിനെ പോലീസ് സഹായത്തോടെ  ബലമായി പുറത്താക്കാന്‍ ബിഷപ്‌ വികാരിയെ നിര്‍ബന്ധിച്ചാല്‍ ജനങ്ങള്‍ ബിഷപ്പിനെതിരായി വീണ്ടും നീങ്ങും എന്നുറപ്പാണ്. കരിഞ്ഞുണങ്ങിയ മുറിവുകള്‍ വീണ്ടും തുറക്കും. പണ്ടത്തെതിന്റെ പിന്നത്തെ ആകും അപ്പോള്‍ അദ്ദേഹത്തിന്‍റെ ഗതി. ചിന്താ ശക്തിയില്ലാത്ത ബിഷപ്പിനെ തീര്‍ച്ചയായും അവര്‍ വീണ്ടും കുരങ്ങു കളിപ്പിക്കും

ബിഷപ്പിനെക്കാള്‍ വലിയ കുടുക്കില്‍ വീഴാന്‍ പോകുന്നത് വികാരിയച്ചനാണ്. സത്യം പറഞ്ഞാല്‍ അപ്പന്‍ അമ്മയെ ഇടിക്കും, പറഞ്ഞില്ലേല്‍ അപ്പന്‍ പട്ടിയിറച്ചി തിന്നും എന്ന ഗതിയാണ് വികാരിയുടെത്. ബിഷപ്‌ പറയുന്ന കേട്ട് അദ്ദേഹം പോലീസിനെ വിളിച്ചാല്‍ പൊതുജനങ്ങള്‍ അദ്ദേഹത്തിനെതിരെ തിരിയും. പോലീസിനെ വിളിച്ചില്ലെങ്കില്‍ അദ്ദേഹം ബിഷപ്പിനെ അനുസരിച്ചില്ല എന്ന് വരും. എന്തായാലും തന്റെ മുന്‍ഗാമികളുടെ ഗതി തന്നെയായിരിക്കും അദ്ദേഹത്തിനും എന്ന് ഞങ്ങള്‍ ഭയപ്പെടുന്നു.

വിഷപ്പാമ്പുകളെയാണ് ചാന്‍സലര്‍ ഫാ വെത്താനം പാലൂട്ടി വളര്‍ത്തുന്നത് എന്നദ്ദേഹം അറിയുന്നില്ല . കടുപ്പന്‍ വീണ കുഴിയെക്കാള്‍ വലിയ കുഴിയില്‍ ആയിരിക്കും ഈ ഗൂണ്ടാകള്‍ അദ്ദേഹത്തെ ഇറക്കിയിട്ട്‌ ഗോവണി വലിക്കാന്‍ പോകുന്നത്. അവസാനം കടുപ്പനെപ്പോലെ തന്നെ നാറി നാട് വിടേണ്ട ഗതിയും അദ്ദേഹത്തിനുണ്ടാകും എന്ന് ഞങ്ങള്‍ മുന്നറിയിപ്പ് നല്‍കുന്നു.

കൊപ്പെളിലെ കല്‍ദായ വാദികള്‍ എന്ന് പറയുന്ന ന്യൂനപക്ഷം ബിഷപ്പ് അങ്ങാടിയത്തിന്റെ സൃഷ്ടിയാണ്. അദ്ദേഹത്തിന്‍റെ കൂലിപ്പട്ടാളം എന്നോ  വാടക ഗൂണ്ടാകള്‍ എന്നോ അവരെ വേണമെങ്കില്‍ വിളിക്കാം. തട്ടിപ്പും വെട്ടിപ്പും അല്ലാതെ സുറിയാനി പാരമ്പര്യത്തെയോ കല്‍ദായ സഭയെയോ പറ്റി ഒരു ചുക്കും അറിയാത്ത മൂന്നാല് ശുംഭാന്മാരെ ക്ലാവര്‍  കുരിശിന്റെ അപ്പസ്തോലന്മാരാക്കി വിവരദോഷിയായ  മാര്‍ അങ്ങാടിയത്ത് വാഴിച്ചിരിക്കുകയാണ്. ഈ സര്‍പ്പങ്ങള്‍ക്ക് പാല് കൊടുക്കുന്ന ബിഷപ്പ് അവരുടെ കൊത്തു വാങ്ങിച്ചാല്‍ അതില്‍  അത്ഭുതപ്പെടാനില്ല.